Իզյում քաղաքի մոտակայքում գտնվող անտառում հայտնաբերվել է զանգվածային գերեզման։ Ուկրաինական լրատվամիջոցներն ու լրատվական գործակալությունները հրապարակում են լուսանկարներ և տեսանյութեր։ Ուկրաինայի իշխանությունները գնահատում են, որ այնտեղ կա մոտավորապես 440 գերեզման։.
Թաղվածների մեծ մասը, ենթադրաբար, քաղաքի հրետակոծության ժամանակ զոհված խաղաղ բնակիչներ են։ Բոլոր մարմինները կարտաշիրմացվեն հետաքննության շրջանակներում։.
Ուկրաինայի նախագահ Վլադիմիր Զելենսկին
«Մենք ուզում ենք, որ աշխարհը իմանա, թե իրականում ինչ է կատարվում և ինչի է հանգեցրել ռուսական օկուպացիան։ Բուչա, Մարիուպոլ, իսկ հիմա, ցավոք, Իզյում։ Ռուսաստանը մահ է թողնում իր հետքերով, և նա պետք է պատասխան տա դրա համար։ Աշխարհը պետք է Ռուսաստանին իսկապես պատասխանատու դարձնի այս պատերազմի համար։ Մենք կանենք ամեն ինչ, որպեսզի դա ապահովենք»։.
Իզյումը գրավվեց ռուսական զորքերի կողմից ապրիլի սկզբին։ Ուկրաինայի զինված ուժերը քաղաքը ազատագրեցին սեպտեմբերի 11-ին։ Իզյումի իշխանությունները հայտնում են, որ օկուպացիայի ընթացքում զոհվել է ավելի քան հազար բնակիչ։.
Կիևը պնդում է, որ գերեզմանոցի գոյության մասին իմացել է ռուս զինծառայողների կողմից սոցիալական ցանցերում հրապարակված տեսանյութերից։.
