Վրաստանի իշխանությունները օգոստոսի 1-ից սահմանափակել են ԱՄՆ-ում արտադրված ավտոմեքենաների արտահանումը և վերաարտահանումը Ռուսաստան։ Այս մասին հաղորդում է ՏԱՍՍ-ը՝ հղում անելով Վրաստանի ֆինանսների նախարարությանը։.
Վրաստանն ինքը մեքենաներ չի արտադրում, բայց ակտիվորեն ներմուծում է դրանք։ Վրաստանի ազգային վիճակագրական ծառայության տվյալներով՝ հունվարից հունիս ընկած ժամանակահատվածում երկիրը Ռուսաստան է արտահանել ավելի քան 3700 մարդատար մեքենա։ Այս մեքենաների ընդհանուր արժեքը գերազանցել է 52 միլիոն դոլարը։.
Nation.ge-ի վերլուծաբան Դավիթ Ավալիշվիլիի խոսքով՝ Վրաստանը հիմնականում ներմուծում է ցածր գներով մեքենաներ, որոնք չեն ենթարկվում պատժամիջոցների: Սակայն երկիրը միակ վերաարտահանողը չէ. այդ մեքենաների զգալի մասը ներմուծվում է նաև Հայաստանի, Ղրղզստանի և Ղազախստանի միջոցով:.
Եվրամիությունը նախկինում արգելել էր Ռուսաստանին 1.9 լիտրից ավելի ծավալով նոր և օգտագործված մեքենաների, ինչպես նաև էլեկտրական և հիբրիդային մեքենաների վաճառքը: Ճապոնիան նույնպես նմանատիպ որոշում է կայացրել՝ սահմանափակելով բեռնատարների անվադողերի վաճառքը: Ճապոնիայի էկոնոմիկայի, առևտրի և արդյունաբերության նախարար Յասուտոշի Նիշիմուրայի խոսքով՝ Տոկիոն կշարունակի անել անհրաժեշտ ամեն ինչ Ռուսաստանի դեմ պատժամիջոցները կիրառելու համար՝ միջազգային հանրության և G7 երկրների հետ համատեղ:.
