Վատիկանը քննարկում է Հռոմի պապ Ֆրանցիսկոսի հունիսին Լիբանան կատարելիք այցի հնարավորությունը։ Նա կկարողանա Երուսաղեմում հանդիպել պատրիարք Կիրիլի հետ, ով իր աջակցությունն է հայտնել Ռուսաստանի կողմից Ուկրաինայի դեմ պատերազմին։.
Սա նրանց երկրորդ հանդիպումը կլինի։ Առաջինը տեղի է ունեցել Կուբայում 2016 թվականին և Հռոմի պապի և Ռուս ուղղափառ եկեղեցու առաջնորդի միջև առաջին հանդիպումն էր 1054 թվականի Մեծ պառակտումից ի վեր։.
Ավելացնենք, որ Կիրիլ պատրիարքը օրհնել է Ռուսաստանի ներխուժումը Ուկրաինայի տարածք։.
Հրատարակության աղբյուրների համաձայն՝ 85-ամյա Հռոմի պապը նախատեսվում է այցելել Լիբանան հունիսի 12-13-ը։ Հունիսի 14-ին նա կմեկնի Հորդանան, իսկ այնտեղից՝ ուղղաթիռով կմեկնի Երուսաղեմ՝ Կիրիլի հետ հանդիպման։.
Մի աղբյուր ասել է, որ ուղևորության մասին արդեն որոշված է, սակայն մեկ այլ աղբյուր նշել է, որ դա մի քանի հնարավոր տարբերակներից միայն մեկն է։.
Հիշենք, որ Ֆրանցիսկոսը վերջերս կոչ արեց Ուկրաինային և Ռուսաստանին Զատկի զինադադար հաստատել ռազմական գործողություններում։.
