Ուկրաինայում պատերազմը տարբեր հանգամանքներ է ստեղծում Եվրոպայի և Սերբիայի տնտեսական իրավիճակի համար։.
Սերբիայի նախագահ Ալեքսանդր Վուչիչը հայտարարել է, որ երկրի իշխանությունները փնտրում են ռուսական նավթի այլընտրանք։.
Այս մասին նախագահը հայտարարել է Սերբիայի ժողովրդին ուղղված տեսաուղերձում, գրում է Blic-ը։.
«Քանի որ Ուկրաինայում պատերազմը սրվում է, համաշխարհային իրավիճակը գնալով բարդանում է, հատկապես հաշվի առնելով, որ ռուսական ուժերը հզորանում են, և նրանց առաջխաղացման տեմպը արագանում է։ Սա ստեղծում է տարբեր տնտեսական հանգամանքներ Եվրոպայում և Սերբիայում։ Մենք ամեն օր փորձում ենք գտնել հնարավորինս շատ լուծումներ գալիք աշնան և ձմռան համար։ Երրորդ և չորրորդ եռամսյակները կարևորագույն կլինեն մեզ համար։ Սննդամթերքը և գները հեշտ չէ ապահովել», - այսօր հանրությանը ուղղված իր ուղերձում ասաց Վուչիչը։.
Խոսելով Սերբիայի առջև ծառացած ռազմավարական մարտահրավերների մասին՝ նա ասաց, որ գյուղատնտեսությունն ու էներգետիկան ամենակարևորն են։.
«Մենք նաև խնդիր ունենք ռուսական նավթին այլընտրանք գտնելու հետ։ Նավթը մեզ կարող է հասնել միայն Ադրիատիկ խողովակաշարով, քանի որ նրանք նույնպես սկսում են շանտաժի ենթարկել մեզ Քիրքուքից իրաքյան նավթով։ Որոշ արտադրողներ ասում են, որ չեն համագործակցի այն ընկերությունների հետ, որոնց մեծամասնության սեփականատերերը ռուսներն են, ինչպես օրինակ՝ NIS-ը», - նշել է Սերբիայի նախագահը։.
Հիշեցնենք, որ Սերբիան նախկինում հայտարարել էր, որ մտադիր չէ հրաժարվել ռուսական գազից։ Վուչիչը նաև հայտնել է, որ Պուտինի հետ խոսել է Սերբիայում գազապահեստարանի հետագա կառուցման մասին։.
