Հյուսիսատլանտյան դաշինքը իր արագ արձագանքման ուժերի թվաքանակը 40,000-ից կհասցնի 300,000-ից ավելիի, հայտարարել է ՆԱՏՕ-ի գլխավոր քարտուղար Յենս Ստոլտենբերգը։.
«Մենք վերափոխում ենք ՆԱՏՕ-ի արձագանքման ուժերը և մեր բարձր պատրաստվածության ուժերի չափը մեծացնում մինչև ավելի քան 300,000», - ասաց նա դաշինքի Մադրիդյան գագաթնաժողովից առաջ մամուլի ասուլիսում։.
Ստոլտենբերգը նաև նշել է, որ ՆԱՏՕ-ն կամրապնդի դաշինքի արևելյան թևում գտնվող մարտական խմբավորումները մինչև բրիգադի մակարդակ։ Նա հայտարարել է, որ զորքերի թվաքանակի ավելացումից բացի, դաշինքը մտադիր է ընդլայնել պաշտպանության առաջին գծի հնարավորությունները և լրացուցիչ ուժեր հատկացնել ՆԱՏՕ-ի առանձին անդամներին պաշտպանելու համար։.
«Սա նշանակում է մեր կոլեկտիվ պաշտպանության և զսպման ամենամեծ բարեփոխումը Սառը պատերազմից ի վեր», - ընդգծեց Ստոլտենբերգը։.
Նա նաև նշեց, որ ՆԱՏՕ-ի ռազմավարությունը Ռուսաստանի նկատմամբ նախատեսվում է վերանայել առաջիկա գագաթնաժողովում։ Դաշինքի վերջին ռազմավարությունում Ռուսաստանը նկարագրվում է որպես ռազմավարական գործընկեր։.
«Ես ակնկալում եմ, որ դաշնակիցները հստակ կհասկանան, որ Ռուսաստանը անմիջական սպառնալիք է ներկայացնում մեր անվտանգությանը, մեր արժեքներին և կանոնների վրա հիմնված միջազգային կարգին», - ասաց նա։.
ՆԱՏՕ-ի առաջիկա գագաթնաժողովը նախատեսում է ընդունել Հյուսիսատլանտյան դաշինքի նոր ռազմավարական հայեցակարգը։.
