Ռուս մասնագետները աշխատում են «Դիմակ» անվամբ մեքենայական տեսողության համակարգի վրա, հաղորդում է RT-ն՝ հղում անելով Ազգային տեխնոլոգիական նախաձեռնության (NTI) մամուլի ծառայությանը։ Այն կհայտնաբերի այնպիսի խախտումներ, ինչպիսիք են դիմակի կամ այլ անհատական պաշտպանիչ միջոցների բացակայությունը։.
Այս համակարգը պետք է օգնի վերահսկել բժիշկների և հիվանդների կողմից դիմակ կրելը հիվանդանոցներում, ինչպես նաև պետական հաստատություններ այցելողների կողմից, և կտեղեկացնի անձնակազմին ցանկացած խախտման մասին։ «Համակարգը կարող է նվազեցնել վարակի ռիսկը մանկապարտեզներում, դպրոցներում, հիվանդանոցներում և այլ պետական հաստատություններում։ Մասնավորապես, հիվանդանոցներում համակարգը կօգնի նվազեցնել վարակի ռիսկը 50%-ով «կանաչ գոտում» և մինչև 95%-ով՝ «կարմիր գոտում», պնդում է NTI-ն։.
«Դիմակ»-ը կվերլուծի տեսանյութերի տվյալները տարբեր անկյուններից և լուսավորության պայմաններից: Մշակողների խոսքով՝ ալգորիթմները մինչև 99% ճշգրիտ են: Հանրային առողջության նախազգուշական միջոցառումների համար պատասխանատու անձինք կտեղեկացվեն բջջային հավելվածի միջոցով:.
Հիշեցնենք, որ Ռուսաստանում վարակի դեպքերի աճի ֆոնին ներդրվեց դիմակ կրելու համընդհանուր պարտադիր պահանջ։ Պաշտպանիչ միջոցներ պետք է կրել հասարակական տրանսպորտում, խանութներում և այլ մարդաշատ վայրերում։.
