Օգոստոսի 4-ին Բեյրութում տեղի ունեցած պայթյունը վնասել է Ռուսաստանի դիվանագիտական առաքելության շենքը: RBC-ն հայտնել է, որ դեսպանատան աշխատակիցը վիրավորվել է:.
Պայթյունի հետևանքով վիրավորների թվում էին վարչապետ Հասան Դիաբի կինը և դուստրը: Զոհվել է Լիբանանի աջակողմյան ազգայնական «Քաթաիբ» կուսակցության առաջնորդ Նիզար Նաջարյանը:
Սկզբում պայթյունը վերագրվեց պահեստում հրավառության պայթեցմանը։ Սակայն Լիբանանի գլխավոր անվտանգության վարչության պետ Աբբաս Իբրահիմը հետագայում հայտարարեց, որ այն կարող էր առաջացած լինել մի քանի տարի առաջ առգրավված պայթուցիկ նյութերից։ LBCI հեռուստատեսության աղբյուրները հայտնում են, որ խոսքը նատրիումի նիտրատի (ազոտական թթվի աղ) մասին է, որը առգրավվել է մեկ տարի առաջ նավից և պահվել նավահանգստի պահեստում։.
Բեյրութը, որտեղ վերջին տվյալներով զոհվել է 70 մարդ, իսկ հազարավորները վիրավորվել են, հայտարարվել է աղետի գոտի։ Իշխանությունները քննարկում են արտակարգ դրություն հայտարարելու հարցը։ Օգոստոսի 5-ը հայտարարվել է ազգային սգո օր զոհերի հիշատակին։ Ռուսաստանի նախագահ Վլադիմիր Պուտինը ցավակցություն է հայտնել նրանց ընտանիքներին։.
