Ռուսաստանում կթողարկվի SimCity-ի նման խաղ, հաղորդում է «Իզվեստիան»՝ հղում անելով Ազգային տեխնոլոգիական նախաձեռնության մամուլի ծառայությանը։ Նախագծի թողարկումը նախատեսված է այս ամռանը։.
Սիմուլյատորը մշակվում է Դոնի պետական տեխնիկական համալսարանի տեղեկատվական տեխնոլոգիաների մասնագետների կողմից: Ռուսական SimCity-ում օգտատերերը կկարողանան կառուցել քաղաքներ և հետևել իրենց բնակիչների ճակատագրին:.
«Խաղացողներին կհանձնարարվի կառուցել դպրոցներ և համալսարաններ, քանի որ քաղաքացիների կրթական մակարդակը ազդում է քաղաքի կառավարման հաջողության վրա», - բացատրեց նախագծի ղեկավար Նիկիտա Կուդրյավցևը։.
Խաղի հիմնական առանձնահատկությունն այն է, որ այն չի ներառի ԼԳԲՏՔ կերպարներ։ Մշակողների խոսքով՝ նման կերպարների առկայությունը անմիջականորեն կազդի վիրտուալ մեգապոլիսի բնակչության վրա։.
«Շատ կարևոր է նաև այն փաստը, որ խաղը համապատասխանում է ավանդական ընտանեկան արժեքներին։ Մենք վաղուց ենք խնդրում մշակողներին երեխաներին առաջարկել այլընտրանք հանրաճանաչ արտասահմանյան խաղերին, որոնք վտանգավոր են հոգեբանության համար», - ընդգծեց Ռուսաստանի Դաշնության Կոմունիստական կուսակցության խմբակցության ղեկավար Նինա Օստանինան։.
Սիմուլյատորը կաշխատի Unreal Engine 5-ի վրա։ Ներկայումս խաղը մշակվում է բացառապես համակարգչի համար, սակայն բջջային տարբերակը կարող է թողարկվել ավելի ուշ։ SimCity-ի ռուսական տարբերակը նախատեսվում է թողարկել VK Play, Steam և Epic Games հարթակներում։.
