Ռուսաստանը և Հյուսիսային Կորեան համաձայնության են եկել հյուսիսկորեական խնձոր մատակարարել ռուսական շուկա, «Նովայա գազետան»։ Համաձայնությունը ձեռք է բերվել հունիսյան բանակցությունների ժամանակ, սակայն մատակարարումների մեկնարկի ամսաթիվը և ծավալները դեռևս չեն նշվել։
2024 թվականին Ռուսաստանում ցրտահարության պատճառով կանխատեսվում է խնձորի բերքի նվազում: Գյուղատնտեսության նախարարության կանխատեսմամբ՝ բերքը կկազմի 1,5 միլիոն տոննա, ինչը 200,000 տոննայով պակաս է նախորդ տարվա համեմատ: Հյուսիսային Կորեայից խնձորի ներմուծումը կօգնի փոխհատուցել ռուսական շուկայում առկա պակասորդը:.
Հունիսին Վլադիմիր Պուտինը և Կիմ Չեն Ընը ստորագրեցին Ռուսաստանի և ԿԺԴՀ-ի միջև համապարփակ ռազմավարական գործընկերության համաձայնագիր: Պուտինի Հյուսիսային Կորեա կատարած այցի ընթացքում ստորագրվեցին միջկառավարական համաձայնագրեր առողջապահության, բժշկական կրթության և գիտության ոլորտներում համագործակցության, ինչպես նաև Տումաննայա գետի վրայով սահմանային ճանապարհային կամրջի կառուցման վերաբերյալ:.
