Նախագահների միջև բանակցությունները տևել են գրեթե վեց ժամ։.
Ռուսաստանի և Թուրքիայի նախագահների միջև բանակցությունները Կրեմլում ավարտվեցին։ Դրանք տևեցին մոտ վեց ժամ։ Վերջնական արդյունքում Վլադիմիր Պուտինը և Ռեջեփ Թայիփ Էրդողանը համաձայնության եկան Սիրիայում հակամարտության կարգավորման վերաբերյալ համատեղ փաստաթղթի շուրջ։ Պուտինի խոսքով՝ թուրքական կողմի հետ բանակցությունները դժվար էին, բայց ավարտվեցին «դրական»։.
Ահա հիմնական արդյունքները
- Իդլիբում մարտի 5-ից 6-ը, կեսգիշերին, շփման գծի ողջ երկայնքով կհայտարարվի հրադադար, որից հետո կհամաձայնեցվեն հետևյալ քայլերը
- Սիրիայի հյուսիսում ստեղծվում է անվտանգության միջանցք՝ M4 մայրուղուց 6 կմ լայնությամբ դեպի հյուսիս և 6 կմ դեպի հարավ։.
- Մարտի 15-ից սկսած՝ ռուս և թուրք զինվորականները համատեղ պարեկություն կսկսեն M4 մայրուղու հատվածներում։.
- Թուրքիան իրավունք ունի արձագանքել Դամասկոսի պաշտոնական ուժերի գործողություններին, հայտարարել է Էրդողանը։.
Մարտի 5-ին Կրեմլում Պուտինի և Էրդողանի բանակցությունները սկսվել են դեմ առ դեմ հանդիպումով, որին ավելի ուշ միացել են երկու երկրների պատվիրակությունների անդամները։ Այս հանդիպումից առաջ Ռուսաստանի և Թուրքիայի նախագահները հեռախոսազրույցով քննարկել են սիրիական Իդլիբում սրվող իրավիճակը։.
Իդլիբում իրավիճակը սրվեց փետրվարի 27-ին, այն բանից հետո, երբ Ռուսաստանում արգելված «Հայաթ Թահրիր ալ-Շամ» խմբավորման զինյալները հարձակում սկսեցին սիրիական կառավարության դիրքերի վրա: Թուրքական զորքերը նույնպես կրակի տակ են հայտնվել: Հակամարտության սրման հետևանքով զոհվել է 36 թուրք զինծառայող, իսկ 30-ից ավելին վիրավորվել է: Նույն օրը Թուրքիան Սիրիայի դեմ սկսեց «Գարնանային վահան» գործողությունը:.
