Հարավաֆրիկյան Հանրապետության առաջնորդները հայտարարել են, որ դիվանագիտական անձեռնմխելիություն կտրամադրեն օգոստոսին կայանալիք BRICS-ի երկու գագաթնաժողովների մասնակիցներին, այդ թվում՝ Ռուսաստանի նախագահ Վլադիմիր Պուտինին, ում նկատմամբ հետախուզում է հայտարարում Հաագայի միջազգային քրեական դատարանը։ Այս մասին հաղորդում է Bloomberg-ը՝ հղում անելով Հարավաֆրիկյան Հանրապետության իշխանությունների հայտարարությանը։.
Փաստաթղթում նշվում է, որ շնորհված անձեռնմխելիությունը կվերաբերի դաշինքի՝ Բրազիլիայի, Ռուսաստանի, Հնդկաստանի, Չինաստանի և Հարավային Աֆրիկայի արտգործնախարարների հանդիպմանը, որը տեղի կունենա հունիսի 1-ին և 2-ին Քեյփթաունում: Անձեռնմխելիությունը կշարունակի գործել նաև BRICS գագաթնաժողովի ընթացքում, որը տեղի կունենա օգոստոսի 22-ից 24-ը:.
Հարավային Աֆրիկայի միջազգային հարաբերությունների և համագործակցության դեպարտամենտը հայտարարել է, որ սա «ստանդարտ ընթացակարգ է բոլոր միջազգային համաժողովների և գագաթնաժողովների համար՝ անկախ մասնակցության մակարդակից»։.
«Անձեռնմխելիությունները տրամադրվում են համաժողովին, այլ ոչ թե կոնկրետ անձանց։ Դրանք նախատեսված են համաժողովը և դրա մասնակիցներին համաժողովի ընթացքում հյուրընկալող երկրի իրավասությունից պաշտպանելու համար», - հայտարարել են երկրի իշխանությունները։.
