Նոր Զելանդիան դարձել է աշխարհում առաջին երկիրը, որն արգելել է սուպերմարկետներում մրգերի և բանջարեղենի բարակ պլաստիկե տոպրակների վաճառքը, հաղորդում է BBC-ն։.
Հրատարակությունը նշում է, որ գնորդների մեծ մասն արդեն իսկ խանութներ է բերում իրենց սեփական պայուսակները, այն բանից հետո, երբ 2019 թվականին արգելվեց պլաստիկե տոպրակների վաճառքը, նշում է հրատարակությունը։ «Նոր Զելանդիան չափազանց շատ թափոններ է արտադրում, չափազանց շատ պլաստիկե թափոններ», - ասել է շրջակա միջավայրի փոխնախարար Ռեյչել Բրուքինգը։.
Նրա խոսքով՝ իշխանությունների կողմից գնումների պայուսակների արգելքը մտցնելուց ի վեր, կանխվել է մեկ միլիարդից ավելի պոտենցիալ պայուսակների արտադրությունը։ Հաշվարկվում է, որ արգելքի ընդլայնումը կփրկի շրջակա միջավայրը տարեկան 150 միլիոն նոր պայուսակից։.
Այս միջոցառման քննադատները վախենում են, որ գնորդները պարզապես մթերքները կդնեն սուպերմարկետներում դեռևս հասանելի միանգամյա օգտագործման թղթե տոպրակների մեջ: Countdown սուպերմարկետների ցանցը, որն ունի ավելի քան 185 խանութ ամբողջ Նոր Զելանդիայում, սկսել է վաճառել բազմակի օգտագործման պոլիեսթերային ցանցե տոպրակներ:.