Ռուսաստանը և Եթովպիան պատրաստ են կնքել մի շարք երկկողմ համաձայնագրեր, այդ թվում՝ միջուկային էներգիայի վերաբերյալ, հայտարարել է Ռուսաստանի նախագահ Վլադիմիր Պուտինը Սանկտ Պետերբուրգում Եթովպիայի վարչապետ Աբիյ Ահմեդի հետ բանակցությունների ժամանակ։.
«Մենք Ձեր այցի համար պատրաստել ենք փաստաթղթերի մի ամբողջ փաթեթ, պարոն վարչապետ։ Դրանց թվում են տեղեկատվական անվտանգության վերաբերյալ միջկառավարական համաձայնագիրը, օդային երթևեկության վերաբերյալ համաձայնագիրը, տեղեկատվական և հաղորդակցական տեխնոլոգիաների ոլորտում փոխըմբռնման հուշագիրը, ատոմային էներգիայի օգտագործման ոլորտում համագործակցության ճանապարհային քարտեզը և մաքսային ծառայությունների միջև արձանագրությունը», - նրա խոսքերն է մեջբերում ՏԱՍՍ-ը։.
Ռուսաստանի ղեկավարի խոսքով՝ համատեղ աշխատանքներ են տարվում ավելի քան 15 միջկառավարական և միջգերատեսչական համաձայնագրերի շուրջ։.