Ռուսաստանի նախագահի մամուլի քարտուղար Դմիտրի Պեսկովը հրաժարվել է մեկնաբանել գեներալ Սերգեյ Սուրովիկինի հետ կապված իրավիճակը և խորհուրդ է տվել այդ հարցը ուղղել Պաշտպանության նախարարությանը։.
«Ոչ, ցավոք սրտի՝ ոչ։ Խորհուրդ եմ տալիս կապվել Պաշտպանության նախարարության հետ. դա նախարարության իրավասությունն է», - լրագրողներին ասաց նա, երբ հարցրին, թե կարո՞ղ է մեկնաբանել Սուրովիկինի պաշտոնանկության մասին լուրը։.
Պեսկովին նաև հարցրել են, թե արդյոք նախագահ Վլադիմիր Պուտինը շարունակում է վստահել Սուրովիկինին։.
«Խոսքն այն մասին է, որ նա Գերագույն գլխավոր հրամանատարն է և աշխատում է պաշտպանության նախարարի և Գլխավոր շտաբի պետի հետ։ Ինչ վերաբերում է նախարարության կառուցվածքային ստորաբաժանումներին, խնդրում եմ դա ուղղել նախարարությանը», - պատասխանել է Կրեմլի խոսնակը։.
Երբ Պեսկովին խնդրել են պարզաբանել, թե որտեղ է այժմ գտնվում գեներալ Սուրովիկինը և արդյոք նրա ձերբակալման մասին տեղեկությունները հաստատվել են, նա պատասխանել է. «Ես ոչինչ չունեմ ավելացնելու այս թեմայի վերաբերյալ արդեն ասածին»։.
Լրագրողները նաև խնդրեցին Պեսկովին մեկնաբանել, թե արդյոք Կրեմլը անհրաժեշտ է համարում հեռացնել Պրիգոժինի հետ շփված կամ նրա հետ որևէ կապ ունեցող անվտանգության աշխատակիցներին։ Պեսկովը պատասխանեց. «Այս հարցը բացարձակապես իմ իրավասությունը չէ։ Ես այս հարցի վերաբերյալ այլևս ասելիք չունեմ»։.
