Ուկրաինայի արևելքում լայնածավալ ռազմական գործողությունների սպառնալիքը ստիպում է խաղաղ բնակիչներին լքել տարածաշրջանը՝ անվտանգություն փնտրելու համար։.
Շատերը մեկնում են դեպի Արևմտյան Ուկրաինա և հարևան երկրներ, իսկ մյուսները՝ Ռուսաստան։ Ռուսաստանի պաշտոնական տվյալների համաձայն՝ մինչ օրս Ուկրաինայից Ռուսաստան է ժամանել ավելի քան 700,000 մարդ։ Մոտ 20,000 մարդ ներկայումս բնակվում է ժամանակավոր կացարաններում։.
Մարիուպոլից փախածները ասում են
«Ապրիլի 16-ին ԴԺՀ զինվորները եկան մեզ մոտ և ասացին, որ հինգ րոպե ունենք իրերը հավաքելու համար։ Մենք շատ բան չունեինք հավաքելու, ուստի գնացինք նույն հագուստով, որով եկել էինք»։.
«Մենք մտածում ենք Ռուսաստանի քաղաքացիություն ստանալու մասին, քանի որ պետք է շարունակենք ապրել, նոր կյանք կառուցել, որովհետև այնտեղ ամեն ինչ կորցրել ենք»։.
Ուկրաինայի իշխանությունները պնդում են, որ փախստականներին բռնի կերպով տեղափոխում են Ռուսաստան, ապա հարցաքննում նրանց հավատարմությունը պարզելու համար։.
Ռուսաստանի մարդու իրավունքների հանձնակատար Տատյանա Մոսկալկովան պնդում է, որ փախստականների հարկադիր տեղահանում չկա. նրա խոսքով՝ մարդիկ իրենք են ցանկանում «ապաստան գտնել Ռուսաստանում»։.
«Զանգվածային տեղահանություններ, ֆիլտրացիոն ճամբարներ, ազգային գաղափարը սատարող յուրաքանչյուրին ոչնչացնելու մշտական փորձ: Ավելի քան 500,000 ուկրաինացիներ բռնի տեղահանվել են: Պատկերացրեք, թե որքան շատ է դա», - ասել է Ուկրաինայի նախագահը Էստոնիայի խորհրդարանին ուղղված իր ելույթում:.
Մինչդեռ, Ռուսաստանը պատրաստում է մի շարք փոփոխություններ, որոնք թույլ կտան ուկրաինացի որբերին փոխանցել Ռուսաստանի քաղաքացիների ընտանիքներին: Ռուսաստանի կրթության նախարարության տվյալներով՝ Ուկրաինայից ժամանել է երկու հազար որբ: Կիևը պնդում է, որ նման որդեգրումները կխախտեն երեխաների իրավունքները և միջազգային իրավունքը:.
