Ուկրաինայի Գերագույն ռադան այսօր՝ դեկտեմբերի 13-ին, ընդունել է ազգային փոքրամասնությունների մասին նոր օրենք: Օրինագիծը պաշտպանել են խորհրդարանի 324 անդամներ, ըստ պատգամավոր Յարոսլավ Ժելեզնյակի, հայտնում է «Եվրոպական պրավդան»:.
Օրինագծի տեքստի համաձայն՝ ազգային փոքրամասնությունների ներկայացուցիչներն ունեն ինքնորոշման, հասարակական միավորումների և խաղաղ հավաքների ազատության, տեսակետների և համոզմունքների, մտքերի, խոսքի, խղճի և կրոնի ազատ արտահայտման, քաղաքական, տնտեսական և հասարակական կյանքին մասնակցելու, ինչպես նաև մշակութային ինքնության պահպանման իրավունք։.
Փաստաթուղթը նախատեսում է նաև գործադիր իշխանության տարբեր մակարդակներում խորհրդակցական և խորհրդատվական մարմինների ստեղծում, ինչպես նաև տարածաշրջանային կենտրոններում կամ որոշակի բնակավայրերում ազգությունների կենտրոններ: Առանձին կարգավորվում է նաև ազգային փոքրամասնությունների (համայնքների) միջազգային համագործակցության և արտաքին հարաբերությունների հարցը:.
Ինչպես նշում է «Յունիան»-ը, օրենքը հատուկ արգելում է Ռուսաստանի «հանրայնացումն ու քարոզչությունը» և նրա պետական պաշտոնյաների ու գործակալությունների «դրական կերպար ստեղծող» գործողությունները։.
Ազգային փոքրամասնությունների մասին օրենքի նախագիծը Եվրահանձնաժողովի պահանջներից մեկն է՝ Ուկրաինայի՝ Եվրամիությանը անդամակցությունը հաստատելու համար։.
Շոլց. «Ուկրաինան կվերականգնվի որպես ԵՄ ապագա անդամ»
