Ռուսական «Օրսկ» խոշոր դեսանտային նավը ոչնչացվել է ժամանակավորապես օկուպացված Բերդյանսկ քաղաքի նավահանգստում, հաղորդում է Ուկրաինայի ռազմածովային ուժերի մամուլի ծառայությունը։.
Ուկրաինայի ռազմածովային ուժերը հրապարակել են այրվող նավի լուսանկարներ և տեսանյութեր, որոնցում լսվում են պայթող զինամթերքի ձայներ։.
Ռուսական լրատվամիջոցների փոխանցմամբ՝ Ռուսաստանի Սևծովյան նավատորմի «Օրսկ» նավը մարտի 21-ին մտել է Բերդյանսկ՝ ռուս օկուպանտներին ռազմական տեխնիկա, մասնավորապես՝ զրահափոխադրիչներ մատակարարելու համար։ Ընդհանուր առմամբ, ըստ ռուսական լրատվամիջոցների, Ուկրաինայի դեմ պատերազմում ներգրավված է 10 խոշոր ռուսական դեսանտային նավ։.
Զապորոժիեի մարզային պետական վարչակազմի հաղորդագրության համաձայն՝ Ուկրաինայի զինված ուժերը ոչնչացրել են օկուպացիոն բանակին պատկանող «Օրսկ» խոշոր դեսանտային նավը և վնասել ևս երկու նավ։ Ոչնչացվել է 3000 տոննա տարողությամբ վառելիքի բաք։ Հրդեհը տարածվել է թշնամու զինամթերքի պահեստի վրա։ Օկուպացիոն ուժերին հասցված վնասի մանրամասները պարզվում են։.
