Սոցիալ-դեմոկրատները արդեն սկսել են պաշտոնական քննարկումները։.
Հուլիսի 14-ին, հինգշաբթի օրը, Գերմանիայի Սոցիալ-դեմոկրատական կուսակցությունը (SPD), որը գլխավորում է երկրի կոալիցիոն կառավարությունը, պաշտոնական քննարկումներ սկսեց նախկին կանցլեր Գերհարդ Շրյոդերի կուսակցությունից հնարավոր հեռացման վերաբերյալ։ Դրա պատճառը նրա սերտ կապերն են Ռուսաստանի նախագահ Վլադիմիր Պուտինի հետ, ով սանձազերծեց պատերազմը Ուկրաինայում։.
Այս մասին հաղորդում է DW-ն։.
Կուսակցության արևմտյան Հանովեր քաղաքի գրասենյակը դատական գործ է հարուցել, սակայն արբիտրաժային հանձնաժողովի որոշումը, հավանաբար, կկայացվի մի քանի շաբաթ։.
Տեղական կուսակցության խոսնակ Քրիստոֆ Մատերնը հայտարարել է, որ իրենք ստացել են Շրյոդերի անդամակցության դեմ ուղղված 17 միջնորդագիր։.
Ըստ կուսակցության ավագ անդամ Թոմաս Կուչատիի՝ Շրյոդերը «որոշել է, որ Պուտինից իր ֆինանսական և անձնական կախվածությունն ավելի կարևոր է, քան իր նվիրվածությունը Սոցիալ-դեմոկրատական կուսակցությանը կամ կանցլերի պաշտոնավարման ժառանգությունը»։
Նշվում է, որ Շրյոդերը կկարողանա նաև բողոքարկել իր դեմ կայացված ցանկացած որոշում։.
