Ղազախստանի նախագահ Կասիմ-Ժոմարտ Տոկաևը հրամանագիր է ստորագրել Օլժաս Բեկտենովին երկրի վարչապետ նշանակելու մասին։.
«Նշանակել Օլժաս Աբաևիչ Բեկտենովին Ղազախստանի Հանրապետության վարչապետ՝ ազատելով նրան նախկին պաշտոնից», - ասվում է հրամանագրում, որի տեքստը երեքշաբթի օրը հրապարակվել է նախագահի կայքում։.
Ավելի վաղ Մաջիլիսի (Ղազախստանի խորհրդարանի ստորին պալատ) անդամները համաձայնություն էին տվել նախագահին՝ Բեկտենովին երկրի վարչապետ նշանակելու համար։.
43-ամյա Բեկտենովը նախագահի գործադիր աշխատակազմի ղեկավարի պաշտոնը զբաղեցրել է 2023 թվականի ապրիլից մինչև այսօր։ Տարիների ընթացքում նա ղեկավարել է կոռուպցիայի դեմ պայքարի գործակալությունը, Արդարադատության նախարարությունը և մայրաքաղաքի քաղաքապետարանը։.
Նախօրեին Ղազախստանի նախագահն ընդունեց կառավարության հրաժարականը, որը 2022 թվականի հունվարից գլխավորում էր Ալիխան Սմաիլովը։.
