Նիդեռլանդների խորհրդարանը հաստատել է օրենք, որը բազմաթիվ ընկերությունների աշխատակիցներին իրավունք է տալիս տնից աշխատել։.
BBC-ի փոխանցմամբ՝ այս նախադեպը, ենթադրաբար, կհանգեցնի աշխատանքային օրենսդրության փոփոխությունների ամբողջ Եվրամիությունում։.
Մինչ օրենքը վերջնականապես ընդունվելը, այն պետք է հաստատվի նաև երկրի Սենատի կողմից: Եթե դա տեղի ունենա, Նիդեռլանդները կդառնա աշխարհում առաջին երկիրը, որը կօրինականացնի հեռավար աշխատանքը: Մասնագետները կանխատեսում են «աշխատանքային հեղափոխություն» ԵՄ շատ երկրներում: Գերմանիայի իշխանությունները արդեն հայտարարել են նմանատիպ նախաձեռնության ներդրման մասին:.
Հեռավար աշխատանքի նախագծի հեղինակներն էին եվրոպամետ D-66 կուսակցության ներկայացուցիչ Սթիվեն Վան Վինբերգը և Սեննա Մաատուկը (Կանաչների կուսակցություն):.
Խորհրդարանի կողմից հաստատված օրինագիծը սահմանում է, որ ցանկացած աշխատող կարող է խնդրել իր գործատուին աշխատել տնից, եթե աշխատավայրում իր ֆիզիկական ներկայությունը անհրաժեշտ չէ։ Գործատուները պարտավոր են քննարկել խնդրանքը։.
Նշվել է, որ կարանտինից հետո շատ համաշխարհային ընկերություններ սկսել են իրենց աշխատակիցներին տեղափոխել հիբրիդային աշխատանքային գրաֆիկի, ինչը թույլ է տալիս նրանց շաբաթվա մի մասը աշխատել տնից։ Այս նորարարության առաջամարտիկների թվում են շվեյցարական UBS բանկը և Ֆրանսիայի ամենամեծ բանկը՝ BNP Paribas-ը։.
Հիշեցնենք, որ Իսլանդիան և Մեծ Բրիտանիան նախկինում փորձարկել էին չորսօրյա աշխատանքային շաբաթվա անցումը, ինչը պետք է բարելավի աշխատանքի որակը և մոտիվացիան։.
