Մոսկվայում ավտովթարի հետևանքով մահացել է ԽՍՀՄ պաշտպանության նախկին փոխնախարար, 84-ամյա Վլադիմիր Շուրալյովը։ Այս մասին այսօր՝ մարտի 2-ին, հայտարարել է Ռուսաստանի Դաշնության ռազմական հրամանատարների ակումբի ղեկավար Նիկոլայ Դերյաբինը։.
Նրա խոսքով՝ Վլադիմիր Շուրալևին «մեքենան հարվածել է փողոցում մարտի 1-ի երեկոյան»։.
«Նա տեղափոխվել է Սկլիֆոսովսկու անվան գիտահետազոտական ինստիտուտ, որտեղ մահացել է մարտի 2-ին, ժամը 7:00-ին՝ կյանքի հետ անհամատեղելի վնասվածքներից», - բացատրել է Դերյաբինը։.
Գեներալը կհուղարկավորվի Միտիշչիի զինվորական հուշահամալիր գերեզմանատանը: Հուղարկավորության օրվա մասին դեռևս տեղեկություններ չկան:.
Վլադիմիր Շուրալյովը ծնվել է 1935 թվականին Վլադիմիրի մարզի Կովրով քաղաքում։ Նա զորակոչվել է Խորհրդային բանակ 1955 թվականին։ 1958 թվականին ավարտել է Տաշքենդի տանկային դպրոցը։ Հրամանատարել է տանկային դասակ և վաշտ Գերմանիայում գտնվող Խորհրդային զորքերի խմբում։ 1965 թվականին ավարտել է զրահատանկային զորքերի ռազմական ակադեմիան, իսկ 1975 թվականին՝ Գլխավոր շտաբի ռազմական ակադեմիան։ 1985 թվականի փետրվարից հրամանատարել է Բելառուսի ռազմական օկրուգը։.
1990-ից 1991 թվականներին նա զբաղեցրել է ԽՍՀՄ պաշտպանության նախարարի տեղակալի պաշտոնը և եղել է ԽՍՀՄ պաշտպանության նախարարության գլխավոր տեսուչ։ 1992 թվականին նա պահեստազորում էր։ Մինչև վերջերս նա Ռուսաստանի պաշտպանության նախարարության գլխավոր տեսուչների գրասենյակի առաջատար վերլուծաբան էր։.
