Հունիսի 25-ին Միջազգային քրեական դատարանը (ՄՔԴ) հայտարարեց Ռուսաստանի նախկին պաշտպանության նախարար Սերգեյ Շոյգուի և Գլխավոր շտաբի պետ Վալերի Գերասիմովի ձերբակալման օրդերների մասին։.
Նրանք կասկածվում են 2022 թվականի հոկտեմբերի 10-ից մինչև 2023 թվականի մարտի 9-ը Ուկրաինայում ստեղծված իրավիճակի համատեքստում կատարված ռազմական հանցագործությունների և մարդկության դեմ հանցագործությունների մեջ։.
Միջազգային քրեական դատարանը Շոյգուին և Գերասիմովին մեղադրեց քաղաքացիական օբյեկտներին հարձակվելու, քաղաքացիական անձանց չափազանց մեծ վնաս հասցնելու և անմարդկային գործողություններ կատարելու մեջ: Դատարանը որոշեց, որ նրանք կրում են «անհատական քրեական պատասխանատվություն» այդ հանցագործությունների համար՝ կամ դրանք ուղղակիորեն կատարելով, կամ ուրիշների միջոցով, կամ հրամաններ տալով և իրենց ուժերի նկատմամբ պատշաճ վերահսկողություն չիրականացնելով:.
Հատուկ ուշադրություն է դարձվում Ուկրաինայի էներգետիկ ենթակառուցվածքների և այլ քաղաքացիական թիրախների վրա հրթիռային հարվածներին: Միջազգային քրեական դատարանը սովորաբար նման օրդերները գաղտնի է պահում, բայց այս դեպքում այն որոշել է դրանք բացահայտել՝ «հետագա հանցագործությունները կանխելու համար»:.
Ավելի վաղ՝ 2023 թվականի մարտին, Միջազգային քրեական դատարանը ձերբակալման օրդեր էր տվել Ռուսաստանի նախագահ Վլադիմիր Պուտինին և երեխաների իրավունքների պաշտպան Մարիա Լվովա-Բելովային՝ «Ուկրաինայի օկուպացված տարածքներից երեխաների անօրինական արտաքսման» համար Ռուսաստան: Կրեմլը դատարանի որոշումն անվանել էր «անվավեր», քանի որ Մոսկվան չի ճանաչում Միջազգային քրեական դատարանի իրավասությունը:.
