Ջոզեֆ Բայդենը երդվել է և պաշտոնապես ստանձնել է Միացյալ Նահանգների նախագահի պաշտոնը։ Նա դարձել է Միացյալ Նահանգների 46-րդ նախագահը, հաջորդելով Դոնալդ Թրամփին։.
«Ես՝ Ջոզեֆ Ռոբինեթ Բայդեն կրտսերը, հանդիսավոր երդվում եմ, որ հավատարմորեն կկատարեմ Միացյալ Նահանգների նախագահի պաշտոնը և, իմ լավագույն կարողությունների սահմաններում, կպահպանեմ, կպաշտպանեմ և կաջակցեմ Միացյալ Նահանգների Սահմանադրությանը։ Աստված օգնական», - ասաց Բայդենը՝ ձախ ձեռքը դնելով Աստվածաշնչի վրա։.
Բայդենը երդում տվեց իր ընտանիքի մոտ 1893 թվականից ի վեր գտնվող Աստվածաշնչի վրա։.
Այնուհետև Կապիտոլիումի բլրի վրա հնչեց 21 հրետանային համազարկային կրակ։.
Դրանից հետո, այժմ արդեն նախագահ Բայդենը դիմեց ամերիկյան ժողովրդին։ Նա կոչ արեց ազգին միավորվել՝ հայտարարելով, որ սա երկրի առջև ծառացած բոլոր մարտահրավերները հաղթահարելու միակ միջոցն է։ Նա խնդրեց իրեն չքվեարկած ամերիկացիներին իրեն հնարավորություն տալ և վստահեցրեց, որ ինքը կաշխատի բոլորի բարօրության համար։.
Իր ելույթի ավարտին Բայդենը մեկ րոպե լռությամբ հարգեց Ամերիկայում կորոնավիրուսից մահացած 400,000 զոհերի հիշատակը։.
Փոխնախագահ Կամալա Հարիսը Բայդենի առջև հավատարմության երդում տվեց Սահմանադրությանը և երկրին՝ դառնալով այդ պաշտոնը զբաղեցնող առաջին կինը։.
Արարողությունը բացեց Լեդի Գագան, ով կատարեց Միացյալ Նահանգների օրհներգը։.
Ջենիֆեր Լոպեսը գալա միջոցառման ժամանակ կատարել է նաև «This Land is Your Land» երգը։.
Երդմնակալության արարողությունը տեղի ունեցավ ուժեղացված անվտանգության միջոցառումների ներքո։ Դա պայմանավորված էր ինչպես հունվարի 6-ի իրադարձություններով, երբ ցուցարարները գրոհեցին Կապիտոլիումի շենքը, այնպես էլ կորոնավիրուսի համավարակով։ Մասնավորապես, ավանդական երդմնակալության ընթրիքը չեղարկվեց, իսկ պետության ղեկավարի պատվին նախատեսված շքերթը տեղափոխվեց առցանց։.
Ավելին, արարողությանը հյուրերի թիվը սովորականից քիչ էր։ Դոնալդ և Մելանյա Թրամփները բաց թողեցին միջոցառումը և լքեցին Սպիտակ տունը դրա սկսվելուց մի քանի ժամ առաջ՝ այդպիսով խախտելով 150-ամյա ավանդույթը։.
Երդմնակալությանը ներկա նախկին նախագահների թվում էին Բարաք Օբաման, Ջորջ Բուշ կրտսերը և Բիլ Քլինթոնը։.
Կապիտոլիումի բլրի վրա կայացած հանդիպմանը թույլատրվել էր մասնակցել միայն օրենսդիրներին, որոնցից յուրաքանչյուրը կարող էր հրավիրել մեկ հյուրի։ Բոլորը նստած էին սոցիալական հեռավորության պահպանմանը համապատասխան։.
Արարողությանը ելույթ ունեցավ բանաստեղծուհի Ամանդա Գորմանը։.
«Ամերիկացի լինելը ավելին է, քան պարզապես ժառանգած հպարտությունը։ Դա անցյալն է, որին մենք մուտք ենք գործում և այն վերականգնելու ձևը», - ասաց Գորմանը։.
Գործող փոխնախագահ Կամալա Հարիսը և նախկին փոխնախագահ Մայք Փենսը միասին լքեցին երդմնակալության արարողությունը։.
«Երբ մենք պետք է լուծենք մեր առջև ծառացած ճգնաժամը, ժամանակ կորցնելու կարիք չկա։ Ահա թե ինչու ես այսօր գնում եմ Օվալաձև աշխատասենյակ՝ աշխատանքի անցնելու, լուրջ գործողություններ ձեռնարկելու և ամերիկյան ընտանիքներին օգնություն ցույց տալու համար», - գրել է իր պաշտոնական էջում իր առաջին թվիթում իր երդմնակալությունից հետո։
