Մեծ Բրիտանիայի պաշտպանության նախարար Բեն Ուոլեսը հայտարարել է, որ Մեծ Բրիտանիան ուղղաթիռներ է ուղարկում Ուկրաինայի պաշտպաններին՝ փետրվարին Ռուսաստանի կողմից իր դեմ լայնածավալ պատերազմ սկսելուց ի վեր առաջին անգամ։.
BBC-ի փոխանցմամբ՝ Ուկրաինային հատկացված երեք Sea King ուղղաթիռներից մեկն արդեն իսկ մատակարարվել է Ուկրաինային։ Վերջին վեց շաբաթների ընթացքում Մեծ Բրիտանիայում գտնվող ուկրաինական խմբերը մարզվել են այդ ուղղաթիռների շահագործման և սպասարկման համար։.
Ուոլասի խոսքով՝ Մեծ Բրիտանիան նաև 10,000 հրետանային արկ կուղարկի Ուկրաինա։ Նախարարն այս մասին հայտարարել է Օսլոյում, որտեղ նա հանդիպում է դաշնակիցների հետ՝ Կիևին հետագա ռազմական աջակցությունը քննարկելու համար։ Ուոլասի խոսքով՝ հրետանային արկերի առաքումը կաջակցի Ուկրաինային ազատագրված տարածքները ապահովելու ջանքերում։.
Sea King ուղղաթիռները նախկինում օգտագործվել են Թագավորական ռազմաօդային ուժերի և Թագավորական նավատորմի կողմից։.
Ռուսաստանի կողմից այս տարվա փետրվարին լայնածավալ ագրեսիայի սկսվելուց ի վեր մի քանի երկրներ Ուկրաինային տրամադրել են անձնակազմով ինքնաթիռներ, սակայն Կիևի կոչերը արևմտյան դաշնակիցներին կործանիչներ տրամադրելու վերաբերյալ մինչ օրս անպատասխան են մնացել։.
