Մեծ Բրիտանիայի վարչապետ Լիզ Թրասը հայտարարեց իր հրաժարականի մասին։.
Թրասը հայտարարեց, որ արդեն ներկայացրել է իր հրաժարականի դիմումը Չարլզ III թագավորին: Նա նշեց, որ Պահպանողական կուսակցությունը այժմ կանցկացնի նոր ընտրություններ՝ կառավարությունը գլխավորող առաջնորդի համար: Վարչապետը նախկինում խիստ քննադատության էր ենթարկվել իր հարկային նախաձեռնությունների համար, ինչը նրան ստիպել էր փոխարինել իր ֆինանսների նախարարին և հրաժարվել իր հայտարարած բյուջետային ծրագրերից: Պահպանողական կուսակցության ժողովրդականությունը վերջին շաբաթների ընթացքում կտրուկ անկում է ապրել՝ հասնելով բրիտանական հարցումների պատմության մեջ ամենացածր մակարդակին: Թրասը Պահպանողական կուսակցության առաջնորդ և վարչապետ ընտրվել է հինգ շաբաթ առաջ:.
