Ռուսական ուժերը «չեն հասել որևէ էական առաջընթացի կամ չեն ցուցադրել որևէ նոր կարողություն միաժամանակ մի քանի հաջող հարձակումներ իրականացնելու համար»։ Սա Պատերազմի ուսումնասիրության ինստիտուտի կողմից տեղում ստեղծված իրավիճակի վերջին գնահատականն է։.
Եկեք նայենք Արևելքում տեղի ունեցող հարձակմանը։.
Այստեղ ռուսական ուժերը առաջ են շարժվում Դոնբասում գտնվող իրենց հենակետերից։ Այս շարժումը ուղեկցվել է ռուսական օդային ինտենսիվ ակտիվությամբ, որն ուղղված է աջակցություն ցուցաբերելուն։.
Խարկովի քաղաքապետի խոսքով՝ քաղաքը ենթարկվում է բնակելի թաղամասերի «անընդհատ հրետակոծության»՝ օգտագործելով բազմաթիվ համակարգեր։.
Ուկրաինայի պաշտպանության նախարարության տվյալներով՝ զորքերը հետ են մղել ռուսական հարձակումը Իզյումում։.
Մեծ Բրիտանիայի պաշտպանության նախարարության վերջին հետախուզական ամփոփագրի համաձայն՝ ռուսական զորքերը առաջ են շարժվում դեպի Կրամատորսկ քաղաք, «որը շարունակում է ենթարկվել հրթիռային կրակի»:.
Ուկրաինացի զինվորները շարունակում են դիրքեր զբաղեցնել Ազովստալի երկաթա-պողպատե գործարանում: Ուկրաինայի փոխվարչապետ Իրինա Վերեշչուկը կոչ արեց անհապաղ ստեղծել մարդասիրական միջանցք՝ Ազովստալից քաղաքացիական անձանց և վիրավոր զինվորներին տարհանելու համար:.
Մարիուպոլի համար մարտերը սպառել են կենսականորեն կարևոր ռեսուրսներ և կաշկանդել ռուսական ուժերը, որոնք կարող էին օգտագործվել արևելքում ավելի լայն նպատակների հասնելու համար։.
Ռուսաստանը, հավանաբար, ցանկանում է ցուցադրել զգալի առաջընթացը մայիսի 9-ի ամենամյա տոնակատարություններից առաջ։.
Մոսկվան հայտարարել է մայիսի 9-ին Մարիուպոլում Հաղթանակի օրվա երթ անցկացնելու ծրագրերի մասին՝ պատերազմի ամենադաժան մարտերի և ամենածանր մարդասիրական աղետի վայրում, որտեղ ռմբակոծությունները ավերել են քաղաքի 95%-ը և սպանել ավելի քան 20,000 մարդու։.
