39-ամյա եկեղեցականը պնդում է, որ ինքը ոչ մի անօրինական բան չի արել։.
Մալթայում Մարսախլոկի ծխական քահանա Լյուկ Սեգունան կասկածվում է ծխականների նվիրատվությունները յուրացնելու մեջ՝ գրեթե 150,000 եվրո ծախսելով պոռնոգրաֆիկ կայքերում։.
Այս մասին գրում է «Թայմս օֆ Մալթա»-ն։.
Հետաքննիչների տվյալներով՝ ցանկասեր քահանան, ենթադրաբար, մի քանի տարի շարունակ յուրացրել է ծխականներից ստացված նվիրատվությունները և դրանց զգալի մասն օգտագործել է այն կայքերում, որոնք վճարի դիմաց ուղիղ եթերում սեքս շոուներ են հեռարձակում։.
Հրատարակության աղբյուրները պնդում են, որ քահանան ինքը քննիչներին խոստովանել է, որ այդ ժամանակ պայքարում էր «սեռական ճգնաժամի» դեմ, որը պայմանավորված էր լուրջ առողջական խնդրով։.
Միևնույն ժամանակ, նա հերքում է ցանկացած չարաշահում և չի ընդունում իր մեղքը յուրացման և փողերի լվացման մեղադրանքներում: 39-ամյա տղամարդը պնդում է, որ վճարումները կատարվել են անձամբ իրեն, մինչդեռ մեղադրանքի կողմը պնդում է, որ ինքը յուրացրել է մոտ 500,000 եվրո, որը նրան տրվել էր 150 ծխականների կողմից 10 տարվա ընթացքում, և որ գումարը նախատեսված էր եկեղեցու համար:.
Քահանային նաև մեղադրանք է առաջադրվել խարդախության, պետական փաստաթուղթ կեղծելու և կեղծ փաստաթուղթ օգտագործելու համար։ Պարզվել է նաև, որ նա տարբեր բանկային հաշիվներում ուներ հարյուր հազարավոր եվրոներ, ինչպես նաև հինգ մոտոցիկլետ և երկու մեքենա, որոնք ակնհայտորեն չափազանց թանկ են քահանայի եկամտի համար։.
