Հարձակումից հետո Աբեն հոսպիտալացվել է։ Նրա վիճակի մասին մանրամասներ չեն հրապարակվել, միայն հաղորդվել է, որ նա սրտի կանգ է ունեցել։.
Ճապոնիայի նախկին վարչապետ Սինձո Աբեն մահացել է Ճապոնիայի արևմուտքում նախընտրական ելույթ ունենալիս կրակոցից ստացած վնասվածքներից հետո։.
NHK-ի հաղորդմամբ՝ քաղաքական գործիչը մահացել է Նարայի բժշկական համալսարանի հիվանդանոցում։ Աբեն 67 տարեկան էր։.
Հիշեցնենք, որ 2020 թվականի օգոստոսին Սինձո Աբեն, որը պաշտոնը զբաղեցնում էր 2012 թվականից, հայտարարեց իր հրաժարականի մասին առողջական խնդիրների պատճառով։ Սինձո Աբեն առաջին անգամ Ճապոնիայի վարչապետ դարձավ 2006 թվականի սեպտեմբերին։ Մեկ տարի անց նա հրաժարական տվեց առողջական խնդիրների պատճառով։ Աբեն վերընտրվեց վարչապետի պաշտոնում 2012 թվականի դեկտեմբերին։ Բոլոր ճապոնացի կառավարությունների ղեկավարների շարքում նա առաջատարն էր մյուս բոլոր վարչապետների շրջանում պաշտոնավարման անընդմեջ օրերի քանակով։.
Այսօր ավելի վաղ հաղորդվել էր, որ նախկին վարչապետը ելույթ է ունեցել Նարա քաղաքում, երբ նրան կրակել են։.
Ոստիկանությունը հաստատել է 41-ամյա տղամարդու ձերբակալությունը՝ սպանության փորձի կասկածանքով: Ճապոնական NHK հեռուստաալիքը հայտնել է, որ կասկածյալը 2000-ականներին երեք տարի ծառայել է Ծովային ինքնապաշտպանության ուժերում:.
Աբեն հոսպիտալացվել է, և նրա վիճակի մասին մանրամասներ չեն հրապարակվել, բացի այն, որ նա սրտի կանգ է ունեցել։.
