Երկուշաբթի գիշերը «Հյուսիսային հոսք 2» գազատարում ճնշման հանկարծակի անկում է գրանցվել։.
Այս մասին հաղորդում են գերմանական լրատվամիջոցները՝ հղում անելով DPA գործակալությանը, գրում է European Pravda-ն։.
Ըստ գազատարի օպերատոր Nord Stream 2 AG-ի ներկայացուցիչ Ուլրիխ Լիսեկի՝ A խողովակում ճնշման կորուստ է հայտնաբերվել, և Գերմանիայի, Դանիայի, Շվեդիայի, Ֆինլանդիայի և Ռուսաստանի պատասխանատու ռազմածովային իշխանությունները անմիջապես տեղեկացվել են այդ մասին։ Ճնշման անկման պատճառը ներկայումս անհայտ է։.
Լիսեկը գործակալությանը ասել է, որ «ինչ-որ տեղ պետք է անցք լինի, բայց ոչ ոք չգիտի՝ որտեղ»։ Հնարավոր է, որ գազը արտահոսում է ափամերձ գոտի։.
Nord Stream 2 AG-ի ճնշման անկման պատճառների հետաքննությունը չափազանց դժվար է. պատժամիջոցներ են կիրառվում, ընկերության աշխատակազմը գրեթե բացակայում է, իսկ միջոցները սառեցված են։.
Լիսեկի խոսքով՝ Լյուբմինում, որտեղից է դուրս գալիս խողովակաշարը Գերմանիայում, Nord Stream 2 AG-ի անձնակազմ չկա։.
Էկոնոմիկայի նախարարությունը Բեռլինում հայտարարել է, որ միջադեպի պատճառներն ու ճշգրիտ փաստերը դեռևս պարզ չեն։ «Մենք ներկայումս կապի մեջ ենք համապատասխան մարմինների հետ՝ այս հարցը պարզաբանելու համար», - ասել է մամուլի խոսնակը։.
Դեռևս պարզվում է, թե արդյոք միջադեպը տեղի է ունեցել Գերմանիայի տարածքային ջրերում։.
1230 կմ երկարությամբ «Հյուսիսային հոսք 2» գազատարը Ռուսաստանից Բալթիկ ծովով անցնում է մինչև Գերմանիա։.
Այն ավարտված է և լցված է գազով, բայց երբեք գազ չի ներմուծվել։.
Գերմանիայի դաշնային կառավարությունը կասեցրեց ավարտված գազատարի հաստատման գործընթացը փետրվարին՝ Ուկրաինայի վրա Ռուսաստանի հարձակումից կարճ ժամանակ առաջ։.
Այժմ, ըստ լրատվամիջոցների հաղորդագրությունների, Գերմանիան քննարկում է «Հյուսիսային հոսք 2»-ի մի մասի բռնագրավման հարցը։.
