Միջազգային քրեական դատարանը մտադիր է այս ձմռանը սկսել Ուկրաինայում Ռուսաստանի կողմից իրականացված ռազմական հանցագործությունների վերաբերյալ իր առաջին գործի լսումները, հաղորդում է Bloomberg-ը՝ հղում անելով գործին ծանոթ աղբյուրներին։.
Առաջին գործը դատարան կներկայացվի այս տարվա վերջին կամ 2023 թվականի սկզբին։ Վերջնական ամսաթիվը դեռևս նշանակված չէ, և գործընթացը կարող է հետաձգվել, քանի որ գործի նախապատրաստումը ժամանակ է պահանջում։.
Աղբյուրները հրաժարվել են բացահայտել այս գործի կոնկրետ մանրամասները։.
Աղբյուրների համաձայն, Միջազգային քրեական դատարանը և Ուկրաինան առանձին բանակցություններ են վարում առնվազն մեկ ռուս ռազմագերու դատարան տեղափոխելու վերաբերյալ: Ռուս ռազմագերին կարող է համաձայնվել ցուցմունք տալ բարձրաստիճան ռուս հրամանատարների դեմ:.
Մարտին ստեղծվեց մի քանի եվրոպական դատական մարմիններից բաղկացած համատեղ քննչական խումբ՝ Ուկրաինայում Ռուսաստանի կողմից իրականացված ռազմական հանցագործությունների վերաբերյալ ապացույցներ հավաքելու համար: Միջազգային քրեական դատարանի դատախազությունը մասնակցում է քննչական խմբին, որի աշխատանքին աջակցում է Եվրոջասթը՝ Եվրոպական Միության քրեական արդարադատության համագործակցության գործակալությունը:.
