Կոպենհագենի առևտրի կենտրոնում կրակոցներ արձակելու մեջ կասկածվող 22-ամյա Դանիայի քաղաքացին հարկադիր հոսպիտալացվել է հոգեբուժարանում։.
Այս մասին հաղորդում է «Եվրոպական պրավդան»՝ հղում անելով «Ռոյթերս»-ին։.
Տղամարդուն մեղադրանք է առաջադրվել կանխամտածված սպանության համար։ Նա 24 օր կմնա կալանքի տակ՝ հոգեբանական փորձաքննության համար։.
Ավելի վաղ ոստիկանությունը հայտարարել էր, որ բացառել է հարձակման ահաբեկչական դրդապատճառները։.
Հիշեցնենք, որ կիրակի երեկոյան Կոպենհագենի ոստիկանությունը հաղորդագրություն է ստացել Ֆիլդս առևտրի կենտրոնում կրակոցների մասին: Դեպքի վայր անմիջապես ուղարկվել են ոստիկանական պարեկային խմբեր:.
Ոստիկանությունը առևտրի կենտրոնի մոտ ձերբակալել է 22-ամյա դանիացի տղամարդու։ Խուզարկության ժամանակ նրա մոտ հայտնաբերվել է հրացան, փամփուշտներ և դանակ։.
Կրակոցների հետևանքով զոհվել է երեք մարդ՝ երկու 17-ամյա դանիացի քաղաքացի և 47-ամյա Ռուսաստանի քաղաքացի, որը բնակվում էր Դանիայում։
Բացի այդ, կրակոցների վայրից փախչելիս թեթև վնասվածքներ են ստացել երկու տասնյակ մարդ։ Եվս յոթը վիրավորվել են, որոնցից չորսը, այդ թվում՝ 16-ամյա մի աղջիկ, ծանր վիճակում են։.
Երգիչ Հարրի Սթայլզի նախատեսված համերգը Ֆիլդս առևտրի կենտրոնում, որտեղ տեղի է ունեցել կրակոցը, չեղարկվել է: Ավելին, Դանիայի խոշորագույն կինոդիստրիբյուտոր Nordisk Film-ը, որը կինոթատրոն ունի կենտրոնում, որոշել է երկուշաբթի օրը փակել երկրի բոլոր կինոթատրոնները:.
