Չորեքշաբթի օրը Վաշինգտոնում տեղի ունեցած քաոսային բողոքի ցույցերի ժամանակ, երբ նախագահական ընտրությունների արդյունքներից դժգոհները ներխուժել էին ԱՄՆ Կապիտոլիում, սպանվել է չորս մարդ, իսկ 52-ը՝ ձերբակալվել։.
ԱՄՆ մայրաքաղաքի ոստիկանական վարչությունը հաստատել է, որ զոհերից մեկը կին է, որին ոստիկանները կրակել են անկարգությունների ժամանակ, հաղորդում է The Hill-ը։.
Կապիտոլիումի մոտակայքում տեղի ունեցած առանձին միջադեպերի հետևանքով զոհվել է ևս մեկ կին և երկու տղամարդ։ Վիրավորվել է տասնչորս ոստիկան, որոնցից երկուսը հոսպիտալացման կարիք են ունեցել։.
Հիսուներկու մարդ ձերբակալվեց, այդ թվում՝ 26-ը՝ Կապիտոլիումի տարածքում։ Չորսը ձերբակալվեց առանց թույլտվության հրազեն կրելու, իսկ մեկը՝ արգելված զենք պահելու համար։.
Ոստիկանությունը նաև երկու ինքնաշեն ռումբ է հայտնաբերել Դեմոկրատական և Հանրապետական ազգային կոմիտեների գլխավոր գրասենյակների մոտ։.
Չորեքշաբթի կեսօրին ցուցարարները գրոհել են Կապիտոլիումի շենքը, երբ Կոնգրեսը հավաքվել էր Ջոզեֆ Բայդենի նախագահական հաղթանակը հաստատելու համար։.
Անկարգությունների ժամանակ ոստիկանական պատնեշը ճեղքվեց, և ԱՄՆ խորհրդարանի անդամները ստիպված եղան տարհանվել։.
ԱՄՆ Կոնգրեսի շենքը մաքրվեց ցուցարարներից հունվարի 6-ի երեկոյան, և խորհրդարանը կարողացավ վերսկսել իր նիստը։.
Անկարգությունների ֆոնին Վաշինգտոնի քաղաքապետ Մյուրիել Բաուզերը պարետային ժամ է սահմանել չորեքշաբթի օրվա երեկոյան ժամը 6-ից մինչև հինգշաբթի առավոտ։.
CNN-ը նշել է, որ հունվարի 6-ի անկարգությունները առաջին անգամն էին, որ Կապիտոլիումի վրա հարձակում իրականացվեց 19-րդ դարի սկզբին Մեծ Բրիտանիայի հետ պատերազմից ի վեր, երբ բրիտանական զորքերը 1814 թվականին գրավեցին և այրեցին ԱՄՆ Կոնգրեսի շենքը։.
Կարդացե՛ք աղբյուրը
