Բելառուսի բռնապետ Ալեքսանդր Լուկաշենկոն հրամայել է բանակի հրամանատարներին «անհապաղ» ստեղծել հարավային օպերատիվ հրամանատարություն Ուկրաինայի հետ սահմանի մոտ, հաղորդում է բելառուսական «Բելտա» քարոզչական կայքը։.
Հարավային հրամանատարության ստեղծման հարցը քննարկվել է Բելառուսի պաշտպանության նախարարությունում կայացած խորհրդակցության ժամանակ։.
«Ցավոք սրտի, բացվել է նոր ուղղություն, ինչպես մենք ենք ասում՝ նոր ճակատ, և մենք չենք կարող չուշադրություն չդարձնել դրան», - ասել է Լուկաշենկոն։.
Նրա խոսքով՝ Բելառուսի պաշտպանության նախարարը անցյալ տարի առաջարկել էր ստեղծել հարավային հրամանատարություն։.
«Մենք այն ժամանակ հասկացանք, որ պետք է ինչ-որ բան անել, բայց ժամանակն այնքան դինամիկ և արագ էր ընթանում, որ մեզ անմիջապես անհրաժեշտ էր ստեղծել այս գործառնական ուղղությունը։ Արևմտյան և հյուսիսարևմտյան թևերի հետ մեկտեղ կլինի նաև հարավային թև», - ասաց բռնապետը։.
Չնայած այն հանգամանքին, որ հրամանատարությունը դեռևս չի ստեղծվել, Լուկաշենկոյի հրամանով հարավային թևում արդեն կենտրոնացել են բելառուսական գումարտակային մարտավարական խմբավորումներ։.
«Մենք պետք է իրականացնենք այս ռոտացիան, սա իմ խիստ պահանջն է, և օգտագործենք այն մեր բանակը փորձարկելու համար։ Սա պատերազմական իրավիճակ է։ Բայց առայժմ պատերազմ չկա... Մենք նաև պետք է պլանավորում իրականացնենք այս պայմաններում. եթե, Աստված մի արասցե, պատերազմ լինի, ինչպե՞ս կգործենք», - ասաց բռնապետը։.
