Ռուսական անկախ «Դոժդ» հեռուստաալիքը օգոստոսի 3-ին վերջին անգամ կհեռարձակվի Ռիգայի ստուդիայից, Ալեքսանդր Պլյուշչևի «Նախաճաշի շոու»-ին ասել է «Դոժդ»-ի գլխավոր խմբագիր Տիխո Ձյադկոն։.
Նրա խոսքով՝ «Դոժդ»-ի համար բովանդակության ստեղծումը վաղուց իրականացվել է միաժամանակ Ամստերդամի և Ռիգայի ստուդիաներից, սակայն Լատվիայից վերջնական հեռարձակումը սպասվում է օգոստոսի սկզբին, հաղորդում է LETA-ն։.
Հիշեցնենք, որ Ռիգայի մարզային վարչական դատարանը ուժի մեջ է թողել Լատվիայի ազգային էլեկտրոնային զանգվածային լրատվամիջոցների խորհրդի (NEPLP) որոշումը՝ չեղյալ համարելու «Դոժդ» հեռուստաալիքի հեռարձակման լիցենզիան։ Որոշումը կայացվել է հուլիսի 4-ին։ «Դոժդ» հեռուստաալիքը հայտարարել է, որ շարունակելու է բողոքարկել որոշումը «բոլոր մակարդակներում, այդ թվում՝ Մարդու իրավունքների եվրոպական դատարանում, եթե անհրաժեշտ լինի»։.
2022 թվականի դեկտեմբերի վերջին «Դոժդը» ստացավ եվրոպական հեռարձակման լիցենզիա Նիդեռլանդներում: Հեռուստաալիքը իր խմբագրական կենտրոնը կտեղափոխի Ամստերդամ, իսկ Ամստերդամի ստուդիան կդառնա նրա հիմնական ստուդիան:.
