Իսրայելի վարչապետ Բենիամին Նեթանյահուն հոսպիտալացվել է տանը ուշաթափվելուց հետո, հաղորդում է The Jerusalem Post-ը։.
73-ամյա Նեթանյահուն տեղափոխվել է Թել Հաշոմերի Շեբա բժշկական կենտրոն՝ հետազոտության համար: Այս տեղեկությունը թերթին հաստատել է վարչապետի գրասենյակը:.
Նեթանյահուն շաբաթ օրը կեսօրին տեղափոխվել է հիվանդանոց: Շեբա բժշկական կենտրոնի թերթի աղբյուրների փոխանցմամբ՝ վարչապետը գիտակցությունը կորցրել է Կեսարիայի իր տանը, ինչի հետևանքով ընկել է և գլուխը հարվածել հատակին: Հաղորդվում է, որ նա նաև բողոքել է կրծքավանդակի ցավից:.
Իսրայելի վարչապետը տեղափոխվել է Թել Այվի կենտրոնական մասի մոտ գտնվող հիվանդանոցի շտապօգնության բաժանմունք: Ըստ տեղեկությունների, Նեթանյահուն բժշկական կենտրոն ժամանելուն պես գիտակցության մեջ է եղել:.
Ըստ The Jerusalem Post-ի, Նեթանյահուն ենթարկվել է համակարգչային տոմոգրաֆիայի՝ համոզվելու համար, որ իր ուղեղը չի վնասվել անկման հետևանքով։.
Նեթանյահուի գրասենյակի հայտարարության համաձայն՝ վարչապետի բժշկական զննման ժամանակ որևէ շեղում չի հայտնաբերվել։ Բժիշկները սկզբում ծայրահեղ շոգ եղանակի հետևանքով ախտորոշել են ծանր ջրազրկում։ Նեթանյահուի վիճակը, ըստ ՏԱՍՍ-ի, գնահատվում է բավարար։.
«Բժիշկների խորհրդով վարչապետը շարունակում է լրացուցիչ հետազոտություններ անցնել», - հայտնել են Նեթանյահուի գրասենյակից։.
