Ռուս միլիոնատիրոջ կինը և դուստրը մահացած են գտնվել։ Ընտանիքը Իսպանիա էր եկել Զատկի տոների համար։.
«Նովատեկ» գազային ընկերության նախկին թոփ մենեջեր Սերգեյ Պրոտոսենյան մահացած է հայտնաբերվել Իսպանիայում: Նրա կնոջ և դստեր մարմինները նույնպես հայտնաբերվել են Լյորետ դե Մար հանգստավայրի նրանց տանը:.
Այս մասին հայտնել է Telecinco հեռուստաալիքը։.
Հեռուստաալիքի տվյալներով՝ գործարարի կնոջ՝ Նատալիայի և 18-ամյա դստեր մարմինները, որոնք դանակահարվել էին, հայտնաբերվել են ընտանեկան առանձնատան սենյակներում։ Պրոտոսենիի մարմինը հայտնաբերվել է այգում։ Նա մահացել է շնչահեղձությունից, կամ խեղդումից։ Նրա մոտ հայտնաբերվել են կացին և դանակ։.
Ոստիկանությունը հետաքննում է միջադեպի վերաբերյալ մի քանի տեսություններ: Մեկ տեսության համաձայն՝ միլիոնատերը սպանել է կնոջն ու դստերը, ապա ինքնասպան եղել:.
Պրոտոսենիի ընտանիքը բնակվում էր Ֆրանսիայում և Իսպանիա էր եկել Զատկի տոների համար։ «Նովատեկ»-ի նախկին թոփ մենեջերի կարողությունը գնահատվում է 400 միլիոն եվրո։.
«Նովատեկ»-ը ռուսական գազային ընկերություն է և արտադրության ծավալով Ռուսաստանում երկրորդ խոշորագույն բնական գազի արտադրողն է։.
Սա Ռուսաստանի հարուստների շրջանում նման առաջին դեպքը չէ։ Մասնավորապես, ապրիլի 18-ին «Գազպրոմբանկի» 51-ամյա նախկին փոխնախագահ Վլադիսլավ Ավաևը, նրա 47-ամյա կինը՝ Ելենան, և 13-ամյա դուստրը՝ Մարիան, սպանված են գտնվել իրենց մոսկովյան բնակարանում։.
Ոստիկանության նախնական քննության համաձայն՝ Ավաևը կրակել է կնոջ և դստեր վրա, ապա ինքնասպան եղել։ Ոստիկանությունը այս եզրակացությանն է հանգել, քանի որ բանկի նախկին փոխնախագահը զենք է պահել։.
Նույն օրը հանկարծամահ եղավ Ռուսաստանի արտաքին հետախուզության ծառայության նախկին տնօրեն Վյաչեսլավ Տրուբնիկովը։ Մահվան պահին նա 77 տարեկան էր։.
