Ուկրաինայի նախագահ Վլադիմիր Զելենսկին հայտարարել է, որ երկրի տարածքային ամբողջականության և ինքնիշխանության հարցում զիջում չի կարող լինել։ Պետության ղեկավարը ընդգծել է Ռուսաստանի հետ բանակցությունները շարունակելու իր պատրաստակամությունը։.
«Ուկրաինան, անկասկած, հանձնառու է բանակցություններին (Ռուսաստանի հետ – խմբ.) և կշարունակի բանակցային գործընթացը այնքանով, որքանով դա կախված է մեզանից։ Մենք հույսը դնում ենք արդյունքների վրա, բայց մեր երկրի համար պետք է լինի իրական անվտանգություն», - ասաց Զելենսկին։.
Պետության ղեկավարը ընդգծել է, որ ռուսական զորքերը պետք է դուրս գան օկուպացված տարածքներից։ Պետք է երաշխավորվի երկրի ինքնիշխանությունն ու տարածքային ամբողջականությունը։.
«Անկախության և տարածքային ամբողջականության հարցում զիջումներ չեն կարող լինել և չեն լինի։ Սրանք հստակ սկզբունքներ են և հնարավոր արդյունքի տեսլական», - հավելել է Ուկրաինայի նախագահը։.
Զելենսկին հիշեցրեց նրանց, ովքեր սոցիալական ցանցերում հայտարարություններն ընկալում են որպես արդեն իսկ փաստեր. ուկրաինացիները ապրում են ժողովրդավարական պետությունում և պայքարում են իրենց ազատության համար։.
«Հետևաբար, ամբողջ ազգի (Ուկրաինայի – խմբ.) համար կարևոր ցանկացած որոշում պետք է կայացվի ոչ թե մեկ անձի կամ որևէ քաղաքական հայացքներ ունեցող մարդկանց խմբի, այլ մեր ամբողջ ազգի կողմից», - ընդգծեց պետության ղեկավարը։.
