Եվրոպան սկսել է խստացնել երեկույթները՝ երիտասարդների շրջանում կորոնավիրուսով վարակների թվի աճի պատճառով, հաղորդում է «Իզվեստիա»-ն։.
Առողջապահության համաշխարհային կազմակերպությունը (ԱՀԿ) հրատարակությանը հայտնել է, որ փետրվարից հուլիս ամիսներին 15-ից 24 տարեկան վարակվածների թիվը 4,5-ից աճել է մինչև 15 տոկոս։.
Քանի որ Եվրոպան բախվում է վիրուսի երկրորդ ալիքի, շատ երկրներ սկսել են կրկին փակել դիսկոտեկներն ու գիշերային ակումբները, որտեղ սոցիալական հեռավորությունը պահպանելն անհնար է։ Միևնույն ժամանակ, Իտալիան արգելել է նույնիսկ բացօթյա պարերը։ Մալթայում, որը համարվում է եվրոպացիների հանգստավայր, տեղական իշխանությունները ոչ միայն փակել են գիշերային ակումբներն ու բարերը, այլև արգելել են 15-ից ավելի մարդկանց հավաքները։.
Թուրքիայի Անթալիա քաղաքում որոշել են արգելել փրփուրով երեկույթները, չնայած սովորական դիսկոտեկները շարունակում են բաց մնալ։ Տարածաշրջանը նաև տուգանք է սահմանում դիմակ չկրելու համար։ Գերմանիայում դիսկոտեկները չեն վերաբացվել համավարակի սկզբից ի վեր։ Ավելին, Բեռլինի ակումբների կառավարման միությունը՝ Clubcommission-ը, հայտարարել է, որ չի շտապում վերաբացել։.
Սեպտեմբերի 4-ին հայտարարվեց, որ Եվրոպայի ամենամեծ հասարակաց տունը՝ Քյոլնի Pascha-ն, սնանկացել է կորոնավիրուսի պատճառով։ Հաստատությունը սպառել էր իր բոլոր միջոցները, այն բանից հետո, երբ կառավարությունը համավարակի պատճառով արգելեց մարմնավաճառությունը։.
Հուլիսի վերջին ԱՀԿ տարածաշրջանային տնօրեն Հանս Կլյուգեն COVID-19-ի աճող ցուցանիշների համար մեղադրեց Եվրոպայում ապրող երիտասարդներին՝ պնդելով, որ նրանք հատկապես տուժել են։ Նա ենթադրեց, որ վարակների աճը կարող է պայմանավորված լինել երիտասարդների կողմից սոցիալական հեռավորության կանոնները պահպանելու դժկամությամբ։.
