Եվրոպական միությունում հացի միջին գինը վերջին մեկ տարվա ընթացքում աճել է 18%-ով, հայտնում է Եվրոպական վիճակագրական Eurostat գործակալությունը։.
2022 թվականի օգոստոսին հացի գների ամենամեծ աճը գրանցվել է Հունգարիայում (66%), Լիտվայում (33%), Էստոնիայում և Սլովակիայում (երկուսն էլ՝ 32%-ով): Ամենաքիչ տուժած երկրներն էին Ֆրանսիան, որտեղ հացի գինը աճել է 8%-ով, և Նիդեռլանդներն ու Լյուքսեմբուրգը (երկուսն էլ՝ 10%-ով):.
«Հաց, բանջարեղեն, միս՝ սնունդը թանկացել է։ Խոհարարական յուղերի և ճարպերի գները հատկապես կտրուկ են աճել, բայց հիմնական սննդամթերքները, ինչպիսին է հացը, նույնպես զգալիորեն թանկացել են», - ասվում է Եվրոստատի կայքում հրապարակված հայտարարության մեջ։.
Սա, ինչպես նշում են փորձագետները, մասնավորապես կապված է Ռուսաստանի կողմից Ուկրաինա ռազմական ներխուժման հետ, որը լրջորեն խաթարեց համաշխարհային շուկաները, քանի որ Ռուսաստանը և Ուկրաինան հացահատիկի, ցորենի, եգիպտացորենի, յուղատու սերմերի (հատկապես արևածաղկի) և պարարտանյութերի խոշոր արտահանողներ էին։.
