Եվրոպայի ամենամեծ հասարակաց տունը՝ Pascha-ն, որը գտնվում է Գերմանիայի Քյոլն քաղաքում, սնանկության դիմում է ներկայացրել։ Այս մասին հինգշաբթի՝ սեպտեմբերի 3-ին, հայտնել է տեղական Express թերթը։.
«Դա անհավանական է, բայց երեքշաբթի օրը ես սնանկության դիմում եմ ներկայացրել տեղական դատարան», - հրատարակությանը ասել է հասարակաց տան մենեջեր Արմին Լոբշայդը։.
Նա ասաց, որ հաստատությունը սպառել է իր բոլոր ֆինանսական պահուստները համավարակի ժամանակ տեղական իշխանությունների կողմից մարմնավաճառության վրա դրված արգելքի ժամանակ։.
Թերթի տվյալներով՝ 11 հարկանի հասարակաց տանը աշխատում էին 120 մարմնավաճառներ և ևս 60 աշխատակիցներ, այդ թվում՝ մերսողներ և խոհարարներ։.
Լոբշայդը հայտարարել է, որ ինքը սնանկության դիմում չէր ներկայացնի, եթե իրեն երաշխավորեին, որ հաստատությունը կարող է վերաբացվել հաջորդ տարի: Նա նաև նշել է, որ արգելքին չնայած՝ քաղաքի մարմնավաճառները շարունակում են սեռական ծառայություններ մատուցել, թեև գաղտնի և առանց հարկեր վճարելու:.
COVID-19 բռնկումը, որն առաջացել է SARS-CoV-2 վիրուսից, սկսվել է Չինաստանի Ուհան քաղաքում դեկտեմբերի վերջին և հետագայում տարածվել այլ երկրներում։ Մարտի 11-ին Առողջապահության համաշխարհային կազմակերպությունը (ԱՀԿ) կորոնավիրուսը հայտարարեց համավարակ։.
Միջազգային վիճակագրական բյուրոյի՝ Worldometer-ի ՝ կորոնավիրուսի տարածումից ի վեր Գերմանիայում գրանցվել է վարակի 247,926 դեպք, մահացել է 9,395 մարդ, իսկ ապաքինվել է 223,100 հիվանդ։
