Եվրամիությունը կարող է Վրաստանին զրկել թեկնածուի կարգավիճակից, եթե երկրի իշխանությունները չչեղարկեն օտարերկրյա գործակալների մասին օրենքը, հաղորդում է Foreign Policy ամսագիրը՝ հղում անելով ԵՄ պաշտոնյային։.
«Հոկտեմբերին, եթե օրինագիծը հետ չվերցվի, Եվրոպական հանձնաժողովը Վրաստանի կառավարությանը կտեղեկացնի, որ չի հաստատի երկրի թեկնածուի կարգավիճակը, երբ հրապարակի անդամակցության գործընթացում ընդգրկված երկրների վերաբերյալ իր տարեկան զեկույցը», - ասել է պաշտոնյան՝ ըստ Foreign Policy-ի ։ Նշվում է, որ ԵՄ արտաքին գործերի նախարարները կհանդիպեն մայիսի վերջին և, հավանաբար, կքննարկեն դաշինքի հնարավոր արձագանքը օրինագծի հաստատմանը։
Ավելի վաղ Վրաստանի նախագահ Սալոմե Զուրաբիշվիլին վետո էր դրել երկրի խորհրդարանի կողմից ընդունված օտարերկրյա գործակալների մասին օրինագծի վրա։ Այս մասին նա հայտարարել էր նախագահի աշխատակազմում կայացած ճեպազրույցի ժամանակ։
