Եվրամիությունը 14 բացառություն կանի Ռուսաստանի դեմ պատժամիջոցների 11-րդ փաթեթում՝ Հունգարիա Բուդապեշտի մետրոյի սպասարկման համար անհրաժեշտ ապրանքների մատակարարումն ապահովելու համար, հաղորդում է Bloomberg-ը։.
Մասնավորապես, պատժամիջոցներից կազատվեն ռուսական սարքավորումների որոշակի տարրեր, այդ թվում՝ պաշտպանիչ ապակիները, մի շարք սարքեր և փականներ, ինչպես նաև սպասարկման ծառայությունները։.
Ավելի վաղ հաղորդվել էր, որ Ռուսաստանի դեմ ԵՄ-ի 11-րդ պատժամիջոցների փաթեթը կներառի սահմանափակումների շրջանցումը կանխելու գործիք։ Այս մասին Եվրահանձնաժողովի նախագահ Ուրսուլա ֆոն դեր Լեյենը հայտարարել է Twitter-ում։.
Ավելի վաղ ԵՄ խորհրդում Շվեդիայի պատվիրակությունը հայտարարել էր, որ ԵՄ անդամ պետությունների մշտական ներկայացուցիչները համաձայնության են եկել Ռուսաստանի դեմ պատժամիջոցների 11-րդ փաթեթն ընդունելու հարցում: Նոր սահմանափակող միջոցառումները վերջնականապես կհաստատվեն մինչև հունիսի 23-ը, որից հետո դրանք պաշտոնապես կհրապարակվեն:.
Ռուսաստանի դեմ փետրվարին ընդունված ԵՄ պատժամիջոցները սահմանափակումներ են մտցնում Ռուսաստանից 87 ֆիզիկական և 34 իրավաբանական անձանց նկատմամբ։.
