Ֆրանսիացի դերասան Ժերար Դեպարդիեն ձերբակալվել է Փարիզում՝ սեռական ոտնձգության մեղադրանքով, BFMTV-ն ։ Մինչ այդ նա կանչվել էր Փարիզի ոստիկանական բաժանմունք հարցաքննության։
Երկու կին 75-ամյա Դեպարդիեին մեղադրել են սեռական ոտնձգության մեջ: Նրանց ցուցմունքների համաձայն՝ միջադեպերը տեղի են ունեցել կինոնկարահանման հրապարակում՝ 2014 թվականին՝ «Կախարդը և սիամացին» (Magicien et les Siamois) ֆիլմի վրա աշխատանքների ժամանակ, և կրկին 2021 թվականին՝ «Կանաչ փեղկեր» (Les Volets verts) ֆիլմի նկարահանման հրապարակում: Դեպարդիեն հերքում է մեղադրանքները և փորձում է պայքարել դրանց դեմ:.
Բողոքաբերներից մեկը «Կանաչ փեղկեր» ֆիլմի 53-ամյա բեմադրիչն է։ Կինը պնդում է, որ երբ ինքը քայլում էր միջանցքով, դերասանը բռնել է իր ոտքերը և սեղմել «իր ազդրերի արանքում», որից հետո սկսել է դիպչել իր ինտիմ հատվածներին և սեռական բնույթի գործողություններ կատարել։ Կնոջ խոսքով՝ իրեն օգնության են հասել նկարահանող խմբի այլ անդամներ։.
Հետագայում Դեպարդիեն ներողություն խնդրեց, սակայն նկարահանումների ընթացքում շարունակեց վիրավորական արտահայտություններ անել նրա հասցեին, ըստ բողոքաբերի։ Ավելի ուշ դերասանը Le Figaro-ում հրապարակեց իրեն նվիրված բաց նամակ՝ հերքելով բոլոր մեղադրանքները։ Բողոքաբերը նշել է, որ միջադեպից հետո այլևս չի կարող աշխատել, քանի որ տառապում է տագնապային նոպաներից և հետտրավմատիկ սթրեսային խանգարումից։.
2023 թվականի վերջին Դեպարդիեն հայտնվեց սկանդալի կենտրոնում՝ «Դեպարդիե. Օգրի անկումը» և «Լրացուցիչ հետաքննություն» վավերագրական ֆիլմերի թողարկումից հետո: Չորս կին դերասանին մեղադրեցին սեռական ոտնձգության մեջ, որոնցից երկուսը մեղադրեցին բռնաբարության մեջ: Վավերագրական ֆիլմի հեռարձակմանը զուգահեռ դերասանուհի Էլեն Դարասը հայց ներկայացրեց դերասանի դեմ: Նրա խոսքով՝ Դեպարդիեն սեռական ոտնձգություն է կատարել իր նկատմամբ 2007 թվականին նկարահանման հրապարակում: Դերասանն ինքը հերքել է մեղադրանքները:.
Դեպարդիեի դեմ սեռական ոտնձգության մեղադրանքներից հետո Ֆրանսիայի մշակույթի նախարար Ռիմա Աբդել-Մալակը հայտարարեց Պատվո լեգեոնի խորհրդի նիստի մասին, որի արդյունքում Դեպարդիեն կարող է զրկվել Ֆրանսիայի բարձրագույն պարգևից: Ֆրանսիայի նախագահ Էմանուել Մակրոնը հայտարարեց, որ դերասանին շքանշանից զրկելը համարում է անընդունելի և պաշտպանում է անմեղության կանխավարկածը: Հետագայում Դեպարդիեն հրաժարվեց պարգևից:
Դեպարդիեի դեմ մեղադրանքներից հետո Բելգիայի Էստամպու համայնքը նրան զրկեց 2013 թվականին շնորհված պատվավոր քաղաքացիությունից։ Միևնույն ժամանակ, նրա մոմե արձանը հանվեց Փարիզի Գրևեն թանգարանից։.
Դեպարդիեի մոտ 50 գործընկերներ 2023 թվականի դեկտեմբերի վերջին նամակ են գրել նրան աջակցելու համար։ Ստորագրողների թվում էին դերասան Պիեռ Ռիշարը, մոդել Կարլա Բրունին, դերասան Վինսենթ Պերեսը և ուրիշներ։ Նամակում նշվում էր, որ Դեպարդիեի դեմ արշավ է սկսվել, որը «հակասում է անմեղության կանխավարկածի սկզբունքին»։.
