Գերմանիան բացարձակ վստահություն հայտնեց, որ Ֆինլանդիան և Շվեդիան կդառնան ՆԱՏՕ-ի անդամներ։ Սակայն դա կարող է տեղի չունենալ մինչև Դաշինքի առաջիկա գագաթնաժողովը Մադրիդում, որը կկայանա հունիսի 28-30-ը։.
Գերմանիայի կառավարության աղբյուրի խոսքով՝ աղետ չի լինի, եթե բոլոր կետերի շուրջ համաձայնության հասնելու համար մի փոքր ավելի ժամանակ պահանջվի։.
«Շատ լավ կլիներ հայտարարել նոր քայլերի մասին, բայց եթե անդամակցության համաձայնագրի կնքման համար ևս մի քանի շաբաթ պահանջվի, դա աղետ չի լինի։ Մեր տեսանկյունից վճռորոշն այն է, որ անհաղթահարելի խնդիրներ չկան», - ասել է աղբյուրը։.
Հիշեցնենք, որ Շվեդիան և Ֆինլանդիան ՆԱՏՕ-ին անդամակցության դիմումներ են ներկայացրել մայիսի 18-ին՝ ի պատասխան Ռուսաստանի կողմից աճող սպառնալիքի, որը սանձազերծեց պատերազմը Ուկրաինայում: Սակայն երկու երկրներն էլ բախվեցին Թուրքիայի դիմադրությանը:.
Նախագահ Ռեջեփ Թայիփ Էրդողանը դեմ էր երկու երկրների անդամակցությանը ՆԱՏՕ-ին՝ համարելով, որ նրանք աջակցում են ահաբեկչական կազմակերպություններին։ Թուրքիան տասը պայման է առաջադրել Շվեդիայի և Ֆինլանդիայի համար՝ ՆԱՏՕ-ին անդամակցությունը բացելու համար։.
