Եվրոպական լրատվամիջոցները հաղորդում են, որ եվրոպացի ֆերմերները ուղևորվում են Բելգիայի մայրաքաղաք, որտեղ հինգշաբթի օրը մեկնարկելու է ԵՄ պետությունների ղեկավարների հանդիպումը։.
Ըստ Le Soir-ի՝ քաղաքի ճանապարհներին արդեն կա մոտ 1000 տրակտոր։
Արհմիությունների տվյալներով՝ գյուղատնտեսական ոլորտի ներկայացուցիչները մասնակցում են բողոքի ցույցերին ոչ միայն Բելգիայում, այլև Ֆրանսիայում, Իտալիայում, Իսպանիայում և Պորտուգալիայում։.
Օրվա ընթացքում Բրյուսել են սպասվում ավելի շատ տրակտորիստներ, որոնք մտադիր են ճամբար խփել Լյուքսեմբուրգի հրապարակում և հարակից փողոցներում։.
Ֆրանսիայում մեկ շաբաթ առաջ սկսվել են ֆերմերների զանգվածային բողոքի ցույցեր։ Մասնակիցները բողոքել են հարկերի բարձրացման և գների բարձրացման դեմ, այդ թվում՝ գյուղատնտեսական տեխնիկայի համար վառելիքի, և կոչ են արել վերացնել Ֆրանսիայում և ԵՄ-ում ներդրվող բնապահպանական չափանիշներին վերաբերող սահմանափակումները։.
Ավելի ուշ ֆրանսիացիներին միացան այլ եվրոպական երկրների գյուղատնտեսական աշխատողներ, որոնք նույնպես դժգոհ էին, մասնավորապես՝ արտադրության ծախսերի աճից և էժան գյուղատնտեսական արտադրանքի ներմուծումից։.
