Բնապահպան ակտիվիստները Պոտսդամի թանգարանում Կլոդ Մոնեի «Խոտի կույտեր» նկարը ողողել են դեղին նյութով, հավանաբար կարտոֆիլի պյուրեով։ Այնուհետև նրանք ձեռքերը սոսնձել են մոտակա սյանը։ Ըստ Guardian-ի, սա «Վերջին սերունդ» շարժման անդամների փորձն էր ուշադրություն հրավիրելու կլիմայի փոփոխության խնդիրների վրա։.
Ակտիվիստները տեսագրել են իրենց գործողությունները, որը հետագայում տարածել են սոցիալական ցանցերում: Թվիթթերում նրանք հաստատել են, որ խոսքը կարտոֆիլի պյուրեի մասին է և պահանջել են, որ Գերմանիայի իշխանությունները ավելի նախաձեռնողական միջոցներ ձեռնարկեն կլիմայի փոփոխության դեմ պայքարում:.
Թանգարանի խոսնակ Քերոլայն Ստրանցը նշել է, որ նրանց գործողությունների պատճառած վնասը դեռևս չի գնահատվել։ Նկարը պաշտպանված էր ապակիով։.
Բողոքի ակցիային մասնակցել է ընդհանուր առմամբ չորս մարդ, որոնցից երկուսը ձերբակալվել են։.
Հոկտեմբերի 14-ին «Just Stop Oil» շարժման ներկայացուցիչները նմանատիպ ներկայացում բեմադրեցին Լոնդոնի Ազգային պատկերասրահում: Նրանք լոլիկի ապուրի տուփ լցրեցին Վինսենթ վան Գոգի «Արևածաղիկներ» կտավի վրա: Նկարը չէր վնասվել, քանի որ այն նաև պաշտպանված էր ապակիով:.
2020 թվականին «Խոտի կույտերը» անվանվեց Մոնեի ամենաթանկ նկարը՝ գնահատված 110,7 միլիոն դոլարով։.
