Նոր ուսումնասիրությունը զարմացրել է գիտնականներին.
Կետոգեն դիետան դարձել է անցանկալի քաշը նվազեցնելու տարածված միջոց։ Այնուամենայնիվ, վերջերս կատարված ուսումնասիրությունը ցույց է տվել, որ այն կարող է նաև օգնել մարմնին պայքարել գրիպի դեմ։.
Փորձի համար Եյլի համալսարանի գիտնականները գրիպի վիրուսով վարակված մկներին բաժանեցին երկու խմբի։ Մեկին կերակրեցին ցածր ածխաջրային և բարձր ճարպային սննդակարգով, իսկ մյուսին՝ բարձր ածխաջրային սննդակարգով։ Առաջին խումբը ցույց տվեց ավելի բարձր գոյատևման մակարդակ։.
Հետազոտողները պարզել են, որ կետոգեն դիետան, կամ կարճ՝ կետո, առաջացնում է իմունային համակարգի բջիջների արտազատում, որոնք թոքերի լորձ են արտադրում։ Այս բջիջները նպաստում են վիրուսի վաղ փուլում որսալուն՝ կանխելով դրա զարգացումը օրգանիզմում։.
«Այս ուսումնասիրությունը ցույց է տալիս, որ այն ձևը, որով մարմինը այրում է ճարպը՝ մեր ուտած սննդից կետոնային մարմիններ արտադրելու համար, կարող է խթանել իմունային համակարգը՝ գրիպի վարակի դեմ պայքարելու համար», - ասել են գիտնականները։.
Ի՞նչն է կետո դիետայի առանձնահատկությունը։
Մեր սննդակարգին ավելի շատ ճարպ ավելացնելով և ածխաջրերի քանակը նվազեցնելով՝ մենք մեր մարմինը դնում ենք կետոզի կամ ածխաջրային սովի վիճակի մեջ։ Այս վիճակում մարմինը սկսում է քայքայել ճարպային բջիջները՝ էներգիա ստանալու համար։.
Այս դիետան շատ ընդհանրություններ ունի Ատկինսի դիետայի հետ, քանի որ այն նաև ենթադրում է ածխաջրերի ընդունման կտրուկ կրճատում և դրանց փոխարինում ճարպերով։.
Ի՞նչ է թույլատրվում։
- Միս
- Տերևավոր կանաչիներ
- Ոչ օսլայային բանջարեղեն
- Բարձր յուղայնությամբ կաթնամթերք
- Ընկույզներ և սերմեր
- Ավոկադո և հատապտուղներ
- Բուսական յուղեր
Ի՞նչ չպետք է ուտել։
- Հացահատիկներ, այդ թվում՝ բրինձ և ցորեն
- Շաքար, մեղր և թխկու օշարակ
- Մրգերի մեծ մասը
- Սովորական և քաղցր կարտոֆիլ
