Ուկրաինայի կողմից պետական սահմանի խախտման հետ կապված միջադեպից հետո, բելառուս սահմանապահները կձեռնարկեն չափազանց կոշտ գործողություններ, եթե ապագայում նման միջադեպեր տեղի ունենան։ Այս մասին այսօր՝ դեկտեմբերի 5-ին, հայտարարել է Մոզիրի սահմանապահ ջոկատի մամուլի խոսնակ Սերգեյ Պավլովը։.
«Եթե սահմանային խախտումները շարունակվեն, բելառուս սահմանապահները կգործեն ծայրահեղ խստությամբ», - «Սպուտնիկ Բելառուս»-ը Պավլովի Telegram-ում արած խոսքերն է մեջբերել։.
Հիշեցնենք, որ դեկտեմբերի 4-ին Բելառուսի օդային տարածքի խախտում է գրանցվել Բելառուսի և Ուկրաինայի սահմանին գտնվող Մոզիրի սահմանային ջոկատի «Նովայա Ռուդնյա» անցակետում: Բելառուսի պետական սահմանային կոմիտեն հրապարակել է կադրեր, որոնցում երևում է, թե ինչպես է ուկրաինական Մի-8 ուղղաթիռը խախտում հանրապետության պետական սահմանը: Մինսկը այդ մասին տեղեկացրել է Կիևին:.
Ուկրաինայի պետական սահմանապահ ծառայության մամուլի քարտուղար Անդրեյ Դեմչենկոն նախկինում հերքել էր ուկրաինացի օդաչուների կողմից Բելառուսի օդային տարածքը հատելու մասին տեղեկությունները։.
