Ֆինլանդիան երրորդ տարին անընդմեջ ճանաչվել է աշխարհի ամենաերջանիկ երկիրը՝ ըստ ՄԱԿ-ի պատվերով կազմված «Երջանկության համաշխարհային զեկույցի»։.
Մասնագետները նշել են, որ Ֆինլանդիայում երջանկության ցուցանիշները 2015-2017 թվականների միջև աճել են և այդ ժամանակից ի վեր բարձր են մնացել։.
Դանիան և Շվեյցարիան նույնպես ընդգրկվել են ամենաերջանիկ երկրների եռյակում։ Իսլանդիան, Նորվեգիան, Նիդեռլանդները, Շվեդիան, Նոր Զելանդիան, Ավստրիան և Լյուքսեմբուրգը լրացնում են լավագույն տասնյակը։.
Համաշխարհային երջանկության զեկույցը հաշվի է առնում այնպիսի ցուցանիշներ, ինչպիսիք են մեկ շնչի հաշվով ՀՆԱ-ն, սոցիալական աջակցության մակարդակը, կյանքի տևողությունը և հասարակական կարծիքի հարցումների արդյունքները։.
Անցյալ տարի «Next Era» վերլուծական կենտրոնի հետազոտողները նշեցին, որ Ֆինլանդիայի իշխանությունները 1960-ական թվականներից ի վեր մանրակրկիտ հետազոտություններ են անցկացնում առողջապահության, կրթության և զբաղվածության ոլորտներում, ինչպես նաև ձգտում են բարելավել քաղաքացիների հարմարավետությունն ու անվտանգությունը։.
Սա թույլ տվեց Եվրոպայի ամենաաղքատ երկրներից մեկին հաջողության հասնել՝ հանցագործության և մահացության մակարդակը նվազեցնելով համաշխարհային նվազագույնի։.
