Ինդիանապոլիսում (Ինդիանա) զանգվածային բողոքի ցույցերի ժամանակ զոհվել է առնվազն մեկ անկարգության մասնակից, ևս երեքը վիրավորվել են, հաղորդում է CNN-ը, փոխանցում է TASS-ը։.
Քաղաքային ոստիկանության պետ Ռենդալ Թեյլորի խոսքով՝ բախումների ժամանակ թեթև վիրավորվել է նաև իրավապահ մարմինների աշխատակից։ Այժմ հետաքննություն է ընթանում ցուցարարի մահվան դեպքի առթիվ։ Ոստիկանությունը խորհուրդ է տալիս տեղի բնակիչներին խուսափել բողոքի ցույցի գոտիներից։.
ԱՄՆ տասնյակ քաղաքներում տեղի են ունենում բողոքի ցույցեր, որոնք ներառում են անկարգություններ, վանդալիզմ և ոստիկանության վրա հարձակումներ: Ամեն ինչ սկսվեց Մինեապոլիսում (Մինեսոտա) սևամորթ անվտանգության աշխատակից Ջորջ Ֆլոյդի մահից հետո, որը դաժանորեն ձերբակալվել էր: Ոստիկանական բռնության դեմ բողոքի ցույցեր են տեղի ունենում նաև Լոս Անջելեսում, Սան Ֆրանցիսկոյում, Դենվերում, Նյու Յորքում, Ինդիանապոլիսում, Բոստոնում, Դետրոյթում և ԱՄՆ շատ այլ քաղաքներում, և նույնիսկ Կանադայի Տորոնտո քաղաքում:.
ԱՄՆ իշխանությունները հայտարարել են, որ ոստիկանության հետ ցանկացած բախում կամ իրավապահ մարմիններին ուղղված սպառնալիք համարվում է ներքին ահաբեկչության ակտ։ Նման բախումների ժամանակ կրակոցներ են արձակվել երկու ոստիկանի վրա, որոնցից մեկը մահացել է։.
